قىتايدىڭ ورتالىق تەلەارناسىنان «نازاربايەۆپەن باستى ماسەلە تۋرالى» فيلم بىرنەشە مارتە كورسەتىلدى - فوتو
بۇل فيلم جەرگىلىكتى ۋاقىت بويىنشا ساعات 13-16, 16-16، 21-16 دا «پىكىرتالاس» باعدارلاماسىنىڭ اياسىندا كورسەتىلدى. سوڭعى كورسەتىلىم ساعات 22-16 دە (استانا ۋاقىتى بويىنشا 20:15 مينۋتتا) ءوتتى.
«بۇل تۇپتەپ كەلگەندە قازاقستان مەن قىتايدىڭ بۇقارالىق اقپارات قۇرالدارىن قوسا العاندا كوپتەگەن سالالار بويىنشا ىنتىماقتاستىعىنىڭ دەڭگەيىن كورسەتەتىن ارنايى جوبا دەسە بولادى. ءبىز بۇگىن ق ر تۇڭعىش پرەزيدەنتى كۇنى مەرەكەسىن پايدالانىپ قالماق بولىپ، كورەرمەندەرگە وسىنداي سىي ۇسىنىپ وتىرمىز. فيلم تولىعىمەن كورسەتىلگەن جوق. الايدا، ءبىز ونىڭ ەڭ ماڭىزدى دەگەن ساتتەرىن قامتىدىق. ولار نەگىزىنەن نۇرسۇلتان نازاربايەۆتىڭ «الدىمەن ەكونوميكا، سودان سوڭ ساياسات» ۇستانىمى مەن ە ا ە و اياسىنداعى تولىق اۋقىمدى ىقپالداستىق، قازىرگى جاعدايدا حالىقتىڭ مادەني مۇراسىن ساقتاۋ، قازاقستاندى الەمنىڭ باسەكەگە قابىلەتتى 30 مەملەكەتىنىڭ قاتارىنا قوسۋ سياقتى ماسەلەلەرمەن بايلانىستى. حرونومەتراج - 14 مينۋت»، - دەدى «CCTV- رۋسسكي» تەلەارناسىنىڭ رەداكتورى التىناي ءجۇنىسوۆا.
ايتا كەتەيىك، بۇل قازاقستان پرەزيدەنتى تۋرالى قىتايدىڭ ورتالىق تەليەۆيزياسىنان بەرىلىپ وتىرعان العاشقى فيلم ەمەس. 2015-جىلدىڭ 6- شىلدەسىندە CCTV-6 تەلەارناسىنان قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تۋرالى «تىعىرىقتان جول تاپقان» اتتى فيلم كورسەتىلدى.
كينوتۋىندى قىتاي تىلىنە وسى ەلدەگى دوكۋمەنتالدى جانە عىلىمي-تانىمال فيلمدەردى شىعارۋمەن اينالىساتىن «Zhongyang xinying jituan» ءىرى كومپانياسى تاراپىنان ق ر ق ح ر- داعى ەلشىلىگىنىڭ باستاماسىمەن دۋبلياجدالدى. دۋبلياجدىڭ رەجيسسەرى ق ح ر- دىڭ ەڭ ۇزدىك 5 رەجيسسەرىنىڭ ءبىرى تسيۋي ۆەيتسزيۋن (Qu Weijun) بولدى.
