ابايەۆ: بۇل كۇن - ءتول تاريحىمىزدا تۇڭعىش رەت پرەزيدەنتتىك باسقارۋ جۇيەسى باستاۋ العان كۇن
«ارداقتى اعايىن! بۇگىن حالقىمىز مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىن قارسى الۋدا. بۇل كۇن - ءتول تاريحىمىزدا تۇڭعىش رەت پرەزيدەنتتىك باسقارۋ جۇيەسى باستاۋ العان كۇن»، - دەپ جازدى مينيستر.
سونداي-اق، داۋرەن اسكەربەك ۇلى ەگەمەندىكتىڭ ەڭ قيىن جىلدارىندا پرەزيدەنتتىك بيلىك قوعامدى توپتاستىرۋدىڭ، ساياسي تۇراقتىلىق پەن قالىپتى دامۋعا جۇمىلدىرۋدىڭ قۇرالى رەتىندە قىزمەت ەتكەنىن اتاپ ءوتتى.
«ەلباسىنىڭ باسقارۋىمەن حالقىمىز ءبىرتۇتاس ۇلت رەتىندە نىعايىپ، الەمگە جاڭا قازاقستاندى ايگىلەي وتىرىپ، تابىستى مەملەكەت قۇردى. ەلىمىز بىرلىكتىڭ بەسىگىنە، تاتۋلىقتىڭ تۇراعىنا اينالدى»، - دەدى ول.
«مەرەيلى مەرەكەمەن شىن جۇرەكتەن قۇتتىقتاي وتىرىپ، بارشاڭىزعا باق-بەرەكە، وتباسىلارىڭىزعا اماندىق، ەڭبەكتەرىڭىزگە تابىس تىلەيمىن!» دەپ ءتۇيدى قۇتتىقتاۋ ءسوزىن مينيستر.
