قازاقستاندا ءۇي باعاسى تومەندەدى
بۇل تۋرالى ورتالىق كوممۋنيكاتسيالار قىزمەتىندەگى جىلجىمايتىن مۇلىك باعاسىنىڭ ديناميكاسىنا ارنالعان باسپا ءسوز- كونفەرەنسيا بارىسىندا «Smart Realtor» جىلجىمايتىن مۇلىكتەر اگەنتتىگىنىڭ ديرەكتورى، قازاقستان ريەلتورلار قاۋىمداستىعىنىڭ مۇشەسى يننا فرولوۆا مالىمدەدى، دەپ حابارلايدى BNews.kz.
«قازان ايىندا ۇلتتىق ۆاليۋتا باعامى نىعايدى، سونىمەن بىرگە ەكىنشى دەڭگەيلى تۇرعىن ءۇي نارىعىنداعى باعانىڭ تومەندەدى. استانادا تەڭگەمەن ەسەپتەگەندەگى باعا ءبىر ايدا %1,5 - 2 عا، الماتىدا - %2,5- عا، وڭىرلەردە - %1 - 1,3 عا قىسقاردى. ۇسىنىستار سانى سۇرانىستان ەكى- ءۇش ەسەگە اسىپ تۇسەدى، سەبەبى ءبىرىنشى دەڭگەيلى تۇرعىن ءۇي نارىعى ەكىنشى دەڭگەيلى تۇرعىن ءۇي نارىعىنا ايتارلىقتاي قىسىم تۇسىرەدى. ەكىنشى دەڭگەيلى جىلجىمايتىن مۇلىكتىڭ ساتۋشىلارى باعانى ەداۋىر تومەندەتۋگە ءماجبۇر بولىپ وتىر»، - دەدى ول.
جىلجىمايتىن مۇلىك باعاسىنىڭ تومەندەۋى يپوتەكالىق نەسيەلەندىرۋ كولەمىنە جانە ناقتى كىرىستەردىڭ قىسقارۋىنا اسەر ەتۋىن جالعاستىرۋدا. مامىر ايىندا قازاقستان رەسپۋبليكاسى ۇلتتىق بانكىنىڭ بازالىق مولشەرلەمەنى 17دەن %15 عا دەيىن تومەندەتۋى كەرى اسەرىن تيگىزدى. جالپى، 2016 -جىلدىڭ ەكىنشى توقسانىندا نەسيە الۋشىلاردىڭ تولەم قابىلەتتىلىگىنىڭ تومەندىگىنەن، جوعارى نەسيە تاۋەكەلدەرى مەن تارتىلاتىن قاراجاتتىڭ قىمبات بولۋىنان بانكتەردىڭ نەسيەلەندىرۋ ساياساتى وتە قاتاڭ بولدى.
الايدا، استانا مەن الماتى قالالارىندا پاتەرلەرگە سۇرانىس جوعارى بولىپ قالۋدا، ويتكەنى جاڭا تۇرعىن ءۇي قۇرىلىسىنىڭ قارقىنى وتە جوعارى جانە ەكىنشى دەڭگەيلى تۇرعىن ءۇي نارىعىنداعى ۇسىنىستار كولەمىنىڭ ۇلعايۋى ساتىپ الۋشىلارعا تاڭداۋعا مۇمكىندىك بەرەدى. سالۋشى- كومپانيالار ساتىپ الۋشىلار ءۇشىن ءبولىپ تولەۋ، اكتسيالار مەن بونۋستاردى ۇسىنا وتىرىپ، نارىقتا ۇيلەسىمدى شارتتار جاساۋدى باستادى، ياعني بۇل ەكىنشىمەن سالىستىرعاندا ءبىرىنشى دەڭگەيلى تۇرعىن ۇيگە ساتىپ الۋشىلاردىڭ قىزىعۋشىلىعىن تۋدىرادى.
سوڭعى ايلاردا وقۋ جىلىنىڭ باستالۋىنا قاراي دەمالىستان ورالۋعا بايلانىستى نارىق جاندانا باستادى جانە نەگىزگى سۇرانىس ەكىنشى دەڭگەيلى جىلجىمايتىن مۇلىك نارىعىندا بولدى.
«باعا ءوزىنىڭ تۇپكىلىكتى مەجەسىنە جەتتى. ەندى تومەندەمەيدى. باعانى تەڭگەدە بەلگىلەۋ تۋرالى زاڭ جوباسىنىڭ كۇشىنە ەنۋى پسيحولوگيالىق تۇردە باعانىڭ تومەندەۋىنە مۇمكىندىك بەرمەيدى، بۇل تەڭگەنىڭ ينفلياتسياسى مەن دەۆالۆاتسياسىنا بايلانىستى»، - دەدى «Ramazan Real Estatە» جىلجىمايتىن مۇلىك اگەنتتىگىنىڭ ديرەكتورى، قازاقستان ريەلتورلار قاۋىمداستىعىنىڭ مۇشەسى عالىم ىسقاقوۆ.
سونداي- اق ريەلتورلار قاۋىمداستىعى ەلوردادا كوپ بولمەلى پاتەرلەردى جالعا بەرۋ مولشەرلەمەسىنىڭ ءوسۋى بايقالۋدا دەپ اتاپ ءوتتى.
«استانادا مولشەرلەمەدە ايتارلىقتاي وزگەرىستەر بولعان جوق. الايدا، استانادا ءۇش جانە ءتورت بولمەلى پاتەرلەردى جالعا بەرۋ مولشەرلەمەسىنىڭ 15 پايىزعا ءوسۋى نازار اۋدارۋعا تۇرارلىق. بۇل ەكسپو-2017 گە دايىندىقتى باستايتىن شەتەلدىك جالعا الۋشىلار تاراپىنان پاتەرلەردىڭ وسى فوروماتىنا سۇرانىستىڭ ءوسۋى مەن ەلوردا تۇرعىندارى سانىنىڭ ارتۋىمەن تۇسىندىرىلەدى»، - دەدى فرولوۆا.
ريەلتورلاردىڭ بولجامى بويىنشا، 2017-2018 -جىلدارى استانادا «توقتاپ تۇرعان» جوبالار سانىنىڭ كوپ بولۋىنا بايلانىستى جاڭا تۇرعىن ۇيلەردى ەنگىزۋ كولەمىنىڭ كۇرت تومەندەۋى كۇتىلۋدە، ياعني بۇل نىساندار نارىعىندا بەلگىلى ءبىر باسەكەلەستىكتى جاسايدى.
