تارازدا ەڭ دارىندى اجەلەر تاڭدالدى
قالالىق مادەنيەت سارايىندا وتكەن ۇلتتىق سالت- ءداستۇرىمىز بەن ادەت- عۇرپىمىزدى ناسيحاتتايتىن شارانى تاماشالاۋعا سوعىس جانە ەڭبەك ارداگەرلەرى مەن جاستار كەلگەن. قالالىق ارداگەرلەر كەڭەسى مەن قوعامدىق ومىرگە بەلسەنە ارلاساتىن 60 جانە ودان جوعارى جاستاعى جەتى قاتىسۋشى ماقالدار، جاڭىلتپاشتار، ۇلتتىق جورالعىلارىمىز، قولونەر جانە ۇلتتىق تاعام ازىرلەۋدەن جارىستى.
قازىلار القاسى قاتىسۋشىلاردى «زەرەك اجە»، «پاراساتتى اجە»، «ونەرلى اجە»، «سۇيكىمدى اجە»، «بارماعىنان بال تامعان اجە»، «يناباتتى اجە»، «شەبەر اجە» نوميناتسيالارى بويىنشا انىقتادى.
كونكۋرس سوڭىندا بارلىق قاتىسۋشىلار باعالى سىيلىقتار جانە ديپلومدارمەن ماراپاتتالدى. كونكۋرس ۇيىمداستىرۋشىلارى بولعان قالالىق مادەنيەت جانە تىلدەردى دامىتۋ ءبولىمى، تاراز قالالىق ارداگەرلەر كەڭەسى، «اۋليە- اتا» قازاق مادەني ورتالىعىنىڭ ايتۋىنشا، كونكۋرستىڭ ماقساتى - اعا بۋىن وكىلدەرىنىڭ ماڭىزدى ءرولىن اتاپ ءوتىپ، ارداگەرلەرگە دەگەن قۇرمەتتى ارتتىرۋ جانە پاتريوتتىق سەزىمدى وياتۋ بولىپ تابىلادى.
