استانا اكىمى «مەيرىمدى قالا» قايىرىمدىلىق اكسياسىنا قاتىسۋعا شاقىردى
«جىل سايىن ەلباسى ءوز جولداۋىندا الەۋمەتتىك ساياساتتى ىسكە اسىرۋ ساپاسىن ەرەكشە باقىلاۋدا ۇستاۋدى تاپسىرادى. ارينە، مەملەكەت ءوزىنىڭ بارلىق الەۋمەتتىك مىندەتتەرىن ورىندايدى. 2016-جىلى قالا اكىمدىگىمەن 130 مىڭنان اسا ادام الەۋمەتتىك قولداۋمەن قامتىلدى. اتاپ ايتقاندا، مۇگەدەكتەر مەن زەينەتكەرلەرگە مەديتسينالىق كومەك كورسەتۋ، دارىلىك زاتتارمەن قامتاماسىز ەتۋ، تەگىن جانە جەڭىلدىكتى ساناتوريالىق-كۋرورتتىق ەمدەۋ جانە ت. ب. سونىمەن قاتار، تاۋەلسىزدىكتىڭ 25 جىلدىعىنا وراي قازىرگى الەۋمەتتىك باعدارلامالارعا قوسىمشا «مەيرىمدى قالا» قايىرىمدىلىق اكسياسى قولعا الىندى.
وسى باستاما اياسىندا اكىمدىك قىزمەتكەرلەرى مەن ۆەدومستۆوعا قاراستى ۇيىمدار بۇل اكسياعا ءبىرىنشى بولىپ قاتىسادى. بۇل باستامانى بيزنەس-قوعامداستىق تا قولدايدى دەپ ۇمىتتەنەمىن»، - دەدى استانا اكىمى.
اكسيانىڭ ماقساتى جالعىز تۇرىپ جاتقان زەينەتكەرلەر، ۇ و س ارداگەرلەرى، بارلىق توپتاعى مۇگەدەكتەر، مۇگەدەك بالالار، تۇرمىسى تومەن وتباسىلار، كوپ بالالى وتباسىلار، جەتىم بالالار، ونكولوگيالىق اۋرۋعا شالدىققان بالالار، د ت س پ- عا شالدىققان بالالار جانە تۋبەركۋلەزبەن اۋىراتىن بالالار سياقتى ازاماتتاردىڭ جەڭىلدىكتى ساناتتارىنا كوڭىل اۋدارۋ جانە قامقورلىق كورسەتۋ.
كومەك ازاماتتاردىڭ ءتۇرلى باعىتتار بويىنشا، ياعني كيىم، ازىق-تۇلىك الۋ، جەڭىلدىكتى ءدارى-دارمەكتەر الۋ ءۇشىن ءدارىحاناعا ارنالعان سەرتيفيكاتتار، وتىن اپەرۋ جانە ت. ب. تۇرىندە كورسەتىلەدى.
«قوعامدا اعا بۋىنعا دەگەن قۇرمەت پەن ىنتىماقتاستىق سەزىمىن كۇشەيتۋ ماقساتىندا جاستاردى - جاس وتاندىقتاردى، وقۋ ورىندارىنداعى جاستار ىستەرى جونىندەگى كوميتەتتەردى جانە باسقا دا جاستار ۇيىمدارىن اكسياعا اتسالىسۋعا شاقىرامىن. قارتتارعا قامقورلىق كورسەتۋىمىز كەرەك. جالعىز تۇراتىن زەينەتكەرلەردىڭ ءۇيىنىڭ اۋلاسىنداعى قاردى تازالاۋ مەن پاتەرلەرىن جيناۋعا، ازىق-تۇلىك ساتىپ الۋعا كومەك كورسەتسەڭىزدەر - بۇل وسكەلەڭ ۇرپاققا جاقسى ۇلگى بولادى دەپ ويلايمىن»، - دەپ اتاپ ءوتتى ءا. يسەكەشيەۆ.
وزەكتىلىگى مەن ماڭىزدىلىعىن ەسكەرە كەلە، وسىنداي اكسيالاردى الداعى ۋاقىتتا تۇراقتى تۇردە وتكىزۋ جوسپارلانعان.
