قىتاي ستۋدەنتتەرىنە ق ر تۇڭعىش پرەزيدەنتى تۋرالى ايتىلدى

بەيجىڭ. قازاقپارات - قازاقستاننىڭ تۇڭعىش پرەزيدەنتى كۇنىنە وراي، بەيجىڭ شەت تىلدەر ۋنيۆەرسيتەتى جانىنداعى «قازاقستان ورتالىعىندا» «تاۋەلسىزدىك شەجىرەسى: ەلباسى - ەل تۇتقاسى» اشىق ساباعى ءوتتى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.

شارانى قىتايداعى ق ر ەلشىگىنىڭ قولداۋىمەن «قازاقستان ورتالىعى» بەلسەندىلەرى ۇيىمداستىردى. وعان قازاقستاندىق ماگيسترانتتار، دوكتورانتتار، قىتايداعى قازاقستاندىق ستۋدەنتتەر قاۋىمداستىعىنىڭ (KSAC) بەيجىڭ ءبولىمىنىڭ وكىلدەرى، ق ح ر- داعى قازاق دياسپوراسى جانە بەيجىڭ شەت تىلدەر ۋنيۆەرسيتەتىندە وقيتىن 14 قىتايلىق ستۋدەنت قاتىستى.

قاتىسۋشىلارعا «تىعىرىقتان جول تاپقان» فيلمىنەن ۇزىندىلەر، استانانىڭ ۆيدەو جانە فوتوسلايدتارى كورسەتىلىپ، دومبىرامەن كۇي تارتىلدى، سونىمەن بىرگە، قازاقستاننىڭ تۇڭعىش پرەزيدەنتى كۇنىن (1- جەلتوقسان) تويلاۋدىڭ ماڭىزى مەن قازاقستان-قىتاي قارىم-قاتىناسىنىڭ جان-جاقتى ستراتەگيالىق ىنتىماقتاستىعىن نىعايتۋداعى نۇرسۇلتان نازاربايەۆتىڭ ۇلەسى تۋرالى جان-جاقتى ايتىلدى.

«شارا قىتايلىق ستۋدەنتتەردى ەلىمىزدىڭ تاۋەلسىزدىك تاريحىمەن جانە قازاقستان پرەزيدەنتىن تۇلعا رەتىندە تانىستىرۋ ماقساتىندا ءوتتى. ەندىگى جوسپار - قازاقستان تاۋەلسىزدىگىنىڭ 25 جىلدىعىنا ارنالعان بولەك سەمينار وتكىزۋ»، - دەدى قازاقپاراتقا بەرگەن سۇحباتىندا ق ح ر- داعى ق ر ەلشىلىگىنىڭ ءبىلىم بەرۋ بويىنشا كەڭەسشىسى قايرات ءابدىراحمانوۆ.

ەسكە سالا كەتسەك، بەيجىڭ شەت تىلدەر ۋنيۆەرسيتەتى جانىنداعى «قازاقستان ورتالىعى» ق ح ر- داعى ق ر ەلشىلىگىنىڭ باستاماسىمەن قۇرىلعان. 2015-جىلى 13- جەلتوقساندا بولعان ورتالىقتىڭ رەسمي اشىلۋ راسىمىنە سول كەزدەگى ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ پەن اتالعان ج و و رەكتورى مەن لۋن قاتىستى. قازىرگى ۋاقىتتا ورتالىقتا 90 عا جۋىق قىتايلىق ستۋدەنت وقيدى.