جاقتاستارىمدى ىرىكتەپ الۋدا جولىم بولدى - نازاربايەۆ
«25 جىلدىققا وراي بارلىعى ءسوز سويلەپ، ءبىزدىڭ جەتىستىكتەرىمىز جايىندا ايتۋدا. شىندىعىندا دا ماقتانارلىق جايتتار بار. ءبىز كوپ ءىس اتقاردىق. ەگەر سىزدەر جانىمدا بولماعاندا جالعىز ءوزىم ەشتەڭە دە ىستەي الماس ەدىم.
25 جىل بويى جاقتاستار ىرىكتەپ الۋدا جولىم بولدى. ولار ءوز ىستەرىن جاسادى. مەن سىزدەردى كوماندا دەپ ەسەپتەيمىن. سوندىقتان دا جەتىستىكتەر بار. جالعىز ادام ەشتەڭە دە جاساي المايدى. مەن بارلىقتارىڭىزعا، ءبىزدىڭ پارلامەنتىمىزگە، دەپۋتتارىمىزعا كەشەگى دەكلاراتسيالارى ءۇشىن ريزاشىلىعىمدى بىلدىرەمىن. وندا ءبىزدىڭ دامۋىمىزدىڭ بارلىق كەزەڭدەرى، مەنىڭ ءرولىم اتالىپ وتىلگەن. ارينە، ادام رەتىندە بۇل ۇنادى. پارلامەنت بۇل بيلىكتىڭ دەربەس تارماعى، شەشىم قابىلداۋعا، ءوز پىكىرىن بىلدىرۋگە قۇقىعى بار»، - دەدى نازاربايەۆ.
ەلباسىنىڭ اتاپ وتۋىنشە، قالالاردىڭ، ەلدەردىڭ اتاۋلارىن وزگەرتۋ تىڭعىلىقتى سارالانىپ بارىپ جۇزەگە اسىرىلاتىن بولادى. «كەز كەلگەن ماسەلەنى، اسىرەسە قالالار مەن ەلدى مەكەندەردىڭ اتاۋىن ءبىز مەملەكەت ءۇشىن، ەل ءۇشىن قاجەتتىلىگىنە قاراي بارىنشا ولشەپ، سايكەستەي وتىرىپ شەشەتىن بولامىز. بۇل ماسەلەنىڭ سىرتقى بولىگى. ماسەلەنىڭ ىشكى بولىگىنىڭ ناقتى ناتيجەلەرىمەن اينالىسۋ قاجەت»، - دەدى پرەزيدەنت.
اۆتور: مارلان جيەمباي
