قازاق ءتىلى ۇستازدارىنىڭ حالىقارالىق قاۋىمداستىعى قۇرىلماق
سيمپوزيۋمدا قازاقستاندا قازاق ءتىلى وقىتۋشىلارىنىڭ حالىقارالىق قاۋىمداستىعى قۇرىلادى دەگەن جوسپار ايتىلدى. قاۋىمداستىقتىڭ باستى ماقساتى - قازاق ءتىلىن وقىتۋدىڭ يننوۆاتسيالىق ادىستەرىن جەتىلدىرىپ، ول ءادىس- تاسىلدەردىڭ قولدانىس اياسىن كەڭەيتۋ. شاراعا قاتىسقان سەنات دەپۋتاتى ءادىل احمەتوۆ قازىر ەلىمىزدە قازاقتاردىڭ 75-80 پايىزى تۋعان تىلىندە سويلەيتىنىن جەتكىزدى.
«نازاربايەۆ ۋنيۆەرسيتەتىندە ازات ەلدىڭ تىلىنە ارنالعان ۇلكەن شارا ىسكە اسىپ جاتىر. بۇل وتە جاقسى باستاما. ق ر پرەزيدەنتى نۇرسۇلتان نازاربايەۆتىڭ «تىلىمىزدەن، دىنىمىزدەن، سالت- داستۇرىمىزدەن ايىرىلىپ قالاتىن بولساق، ۇلت بولماي قالامىز» دەگەن ءسوزى بار. سوندىقتان، بۇگىنگى ماسەلە - ءتىل بولىپ تۇر. ءتىل - ەلدىڭ تىرەگى. ەڭ نەگىزگى قۇرالى، ەڭ نەگىزگى سيمۆولى. ەلىمىزدىڭ ەڭ باستى جوعارى وقۋ ورنى - نازاربايەۆ ۋنيۆەرسيتەتىندە تىلگە وسىنداي دەڭگەيدە قۇرمەت كورسەتىلسە، باسقا ۋنيۆەرسيتەتتەر ودان ۇلگى الادى.
كەزىندە ەلباسى «اسىقپاڭدار، ءوز ۋاقىتى كەلەدى، از ۋاقىت كۇتىڭدەر» دەگەن ەدى. مىنە، قازىر قازاقتاردىڭ 75-80 پايىزى قازاق تىلىندە سويلەيتىن بولدى. كەلە-كەلە، 90-95 پايىزعا جەتەمىز. قازاق ءتىلدىڭ قالقاسىندا ورىس ءتىلىن بىلگەنىمىز ارتىق بولمايدى، اعىلشىن ءتىلىن بىلگەنىمىز - ءتىپتى دە ارتىق ەمەس. اعىلشىن ءتىلى - عىلىمنىڭ ءتىلى، مەملەكەتتىك ساۋدا- ساتتىقتىڭ ءتىلى. ءتىل مامانى بولعاندىقتان ايتارىم، اعىلشىن ءتىلى ەڭ وڭاي تىلدەردىڭ ءبىرى»، - دەدى سيمپوزيۋم قوناقتارىنا موتيۆاتسيا بەرگەن دەپۋتات.
سيمپوزيۋم جۇمىسىنا ەلىمىز بەن شەت ەلدەردىڭ ادەبيەتشىلەرى مەن ءتىل ماماندارى، تۇركىتانۋشى عالىمدار، قوعام قايراتكەرلەرى مەن وقىتۋشىلار قاتىستى.
اۆتور: كەنجەكەي توقتامۇرات قىزى
