اۋىل شارۋاشىلىعى ءمينيسترى: ءتيىمدى ءداندى داقىلدارعا كوشۋ قاجەت
«جاڭا باعدارلاما اياسىندا ەگىس القاپتارىن ءارتاراپتاندىرۋ جالعاستىرىلاتىن بولادى. بيداي القاپتارى 2,3 ميلليون گەكتارعا دەيىن قىسقارتىلادى. بوساتىلعان القاپتارعا ارپا، سۇلى، جۇگەرى جانە مايلى داقىلدار ەگىلەدى. ءبىزدىڭ تاراپىمىزدان ەگىس القاپتارى وڭىرلەر مەن داقىلدار كەسىمىندە ەسەپتەلدى»، - دەدى اسقار مىرزاحمەتوۆ.
سونىمەن قاتار، ۆيتسە- پرەمەر مەملەكەتتىك باعدارلامادا تىڭايتقىشتار مەن ساپالى سۇرىپتى تۇقىم الۋ ماسەلەسىنە ەرەكشە كونىل ءبولىنىپ وتىرعانىن ايتتى. «سۋبسيديا كولەمىن ۇلعايتۋ جوسپارلانۋدا. اتاپ ايتقاندا، شەتەلدىك تىڭايتقىشتاردىڭ تۇرلەرىنە بەرىلەتىن سۋبسيديانى %30 دان %50 عا دەيىن جوعارىلاتۋ ارقىلى تەتىكتەرىن جەتىلدىرۋ، تىڭايتقىشتار وندىرۋشىلەر مەن اكىمدىكتەر اراسىندا تىڭايتقىشتاردى جەتكىزۋ جانە قامتاماسىز ەتۋ بويىنشا مەموراندۋم بەكىتۋ كوزدەلۋدە»، - دەپ اتاپ ءوتتى ول.
ساپالى تۇقىم سۇرىپتارىن پايدالانۋدى ۇلعايتۋ ۇدەرىسى تۇقىمدى ساتىپ الۋ نورمالارىنا سايكەس ءبىرىنشى رەپرودۋكتسيادان تومەن بولمايتىن تۇقىمدى سۋبسيديالاۋ جانە ەليتالىق سۋبسيديالاۋعا ءوتۋ ارقىلى جۇزەگە اسىرىلاتىن بولادى. سونىمەن قاتار كەزدەسۋ بارىسىندا ا. مىرزاحمەتوۆ اۋىل شارۋاشىلىعى تەحنيكالارى جايلى ايتىپ ءوتتى.
«اۋىل شارۋاشىلىعى تەحنيكاسى پاركىن جانە قۇرال- جابدىقتارىنىڭ جاڭارتىلۋىن جىلدامداتۋ ينۆەستيتسيالىق سۋبسيديالار (ينۆەستيتسيا سالۋدان %25 ى) جانە نەسيە مەن ليزينگتى پايىزدىق مولشەرلەمە بويىنشا سۋبسيديالاۋ ارقىلى جۇزەگە اسىرىلاتىن بولادى.
سونىمەن قاتار، «قازاگرو» ۇ ب ح- نىڭ اۋىل شارۋاشىلىعى تەحنيكاسىن جانە قۇرال- جابدىقتارىنا بەرىلەتىن نەسيەلىك باعدارلامالارىنا قورلاندىرۋدى ۇلعايتۋ جوسپارلانۋدا. وسىعان بايلانىستى ت م د جانە ق ح ر شىعارىلاتىن جانە ءبىر بولىگى قازاقستاندا لوكاليزاتسيالاناتىن قىمبات ەمەس اۋىل شارۋاشىلىعى تەحنيكالارى مەن قۇرال جابدىقتارىنا باسىمدىق بەرىلەتىن بولادى. قازىرگى تاڭدا رەسەي جانە بەلارۋس اۋىل شارۋاشىلىعى تەحنيكالارىن شىعارۋشىلارمەن قازاقستاندا تولىققاندى ءوندىرىس قۇرۋ بويىنشا كەلىسىم جاسالدى»، - دەدى ا. مىرزاحمەتوۆ. ايتا كەتەيىك، ۆيتسە-پرەمەر اسقار مىرزاحمەتوۆ ا و ك- تى دامىتۋدىڭ 2017-2021 -جىلدارعا ارنالعان مەملەكەتتىك باعدارلاماسىن ءتۇسىندىرۋ ماقساتىندا ايماقتارعا ءىسساپارىن جالعاستىرۋدا.
