استانانىڭ مەملەكەتتىك قىزمەتشىلەرى كىمدەر

استانا. قازاقپارات - استانانىڭ مەملەكەتتىك قىزمەتشىلەرى كىمدەر؟ بۇل ساۋالعا بۇگىن استانا قالالىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ باسشىسى تىلەگەن كاسكين جاۋاپ بەردى، دەپ حابارلايدى قازاقپارات.

«مەملەكەتتىك قىزمەتتەر كادرلارىنىڭ ساپالىق جاي-كۇيىنە جۇرگىزىلگەن ساراپتاما استانادا 69 مەملەكەتتىك ورگاننىڭ، ونىڭ ىشىندە 32 جەرگىلىكتى اتقارۋشى ورگاننىڭ جانە ورتالىق مەملەكەتتىك ورگاننىڭ 37 تەرريتوريالىق بولىمشەسىنىڭ بار ەكەندىگىن كورسەتتى. شتاتتىق سانى - 3966، ال ناقتى قىزمەتكەرلەرى سانى 3517 ادام»، - دەدى كاسكين.

ونىڭ ايتۋىنشا، مەملەكەتتىك قىزمەتشىلەردىڭ جالپى سانىنىڭ 93 پايىزىندا جوعارى ءبىلىمى بار، ولاردىڭ 15 ى عىلىم كانديداتى، ال بىرەۋى عىلىم دوكتورى. 129 مەملەكەتتىك قىزمەتشى حالىقارالىق باعدارلامالاردى بىتىرگەن. ونىڭ ىشىندە 21 ادام «بولاشاق» باعدارلاماسىمەن ءبىلىم العان. ولاردىڭ ۇشەۋى استانا قالاسى اكىمدىگى اپپاراتىندا، بىرەۋى جەر قاتىناستارى باسقارماسىندا، 1 ەۋى توتەنشە جاعدايلار دەپارتامەنتىندە جانە تاعى بىرەۋى ىشكى مەملەكەتتىك اۋديت دەپارتامەنتىندە جۇمىس ىستەيدى.

63 ادام ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى. «مەملەكەتتىك قىزمەتشىلەردىڭ 60 پايىزى - ايەلدەر. جالپى مەملەكەتتىك قىزمەتشىلەردىڭ باسىم بولىگىن، ياعني 37 پايىزىن 29 جاسقا تولماعان جاستار قۇرايدى. مەملەكەتتىك قىزمەتتەگى ورتاشا قىزمەت ءوتىلى 9 -جىل، ال قىزمەتشىلەردىڭ ورتاشا جاسى - 33»، - دەدى دەپارتامەنت باسشىسى. اۆتور: مارلان جيەمباي