ءبىلىم مينيسترلىگى ۇلتتىق ءبىرىڭعاي تەستىلەۋ جۇيەسىنىڭ جاڭا فورماتىن ءتۇسىندىردى
دەپ حابارلايدى قازاقپارات.
ءبىلىم مينيسترلىگى الدىمەن ۇلتتىق تەستىلەۋدىڭ فورماتىن اۋىستىرۋعا اتا- انالار مەن وقۋشىلاردىڭ ارىز- تىلەكتەرى تۇرتكى بولدى دەپ جازعان.
«ق ر ءبىلىم جانە عىلىم مينيسترلىگى وتكىزگەن سوڭعى بريفينگتە مەكتەپ تۇلەكتەرىنىڭ قورىتىندى اتتەستاتسياسى مەن جوعارعى وقۋ ورنىنا ءتۇسۋدىڭ جاڭا فورماتى تانىستىرىلعان بولاتىن. 2017 -جىلدان باستاپ جاس تۇلەك مەكتەپتە ەمتيحان تاپسىرىپ (ورتا مەكتەپ بىتىرگەنى جونىندە اتتەستات جانە «التىن بەلگى» الۋ ءۇشىن)، ج و و- عا ءتۇسۋ ءۇشىن ەمتيحان مەن ۇ ب ت تاپسىرادى. ۇ ب ت - جانە مەملەكەتتىك گرانتتىڭ ءبولىنۋ جۇيەسىنىڭ فۋنكسياسىن اتقارادى»، - دەپ حابارلاپ وتىر ب ع م.
ياعني، 2017 -جىلدان باستاپ، جوعارعى وقۋ ورنىنا تالپىنعان تۇلەك مەكتەپ قابىرعاسىندا 5 پاننەن قورىتىندى اتتەستاتسيادان ءوتۋى كەرەك ەكەن. ول مىنانداي پاندەر:
1. انا ءتىلى جانە ادەبيەتى (ەسسە جازۋ)؛
2. قازاق تىلىندە ءبىلىم بەرەتىن مەكتەپتەردە - ورىس تىلىنەن، ال ورىس، وزبەك، تاجىك، ۇيعىر مەكتەپتەرىندە - قازاق تىلىنەن (تەست تۇرىندە)؛
3. قازاقستان تاريحى (اۋىزشا ەمتيحان)؛
4. الگەبرا جانە اناليز باستامالارى (جازباشا)؛
5. تاڭدالعان ءپان بويىنشا (فيزيكا، حيميا، بيولوگيا، گەوگرافيا، گەومەتريا، دۇنيەءجۇزى تاريحى، ادەبيەت، ينفورماتيكا، شەت ءتىلى (اعىلشىن، فرانسۋز، نەمىس) - تەست تاپسىرادى.
اۆتور: كەنجەكەي توقتامۇرات قىزى
