نازاربايەۆ بەينەلەنگەن كۋپيۋرا تەڭگەنىڭ قۇندىلىعىن ارتتىرا تۇسەدى - جۇرىنوۆ

استانا. قازاقپارات - ق ر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆتىڭ ويىنشا، نۇرسۇلتان نازاربايەۆ بەينەلەنگەن جاڭا مەرەيتويلىق كۋپيۋرا ۇلتتىق ۆاليۋتامىزدىڭ قۇندىلىعىن كۇشەيتە تۇسەدى، دەپ حابارلايدى قازاقپارات ءتىلشىسى.

«پرەزيدەنت نۇرسۇلتان ءابىش ۇلى نازاربايەۆتى بانكنوتقا بەينەلەگەن دۇرىس. سەبەبى كوپتەگەن مەملەكەتتەردىڭ ءوز دامۋىنا ەرەن ەڭبەك سىڭىرگەن باسشىلارىن ەلدىڭ اقشاسىندا بەينەلەۋ الەمدىك تاجىريبەدە بار. ول - ءداستۇرلى نارسە. سوندىقتان ونداي ادامداردىڭ سۋرەتىن ۇلتتىق ۆاليۋتاعا باسادى. سوندىقتان ءبىزدىڭ تەڭگەمىزدىڭ تۇڭعىش پرەزيدەنتىمىز، ەلباسىمىزدىڭ سۋرەتىنىڭ باسىلعانى ول تەڭگەمىزدىڭ قۇندىلىعىن ودان دا ارتتىرا تۇسەدى. اقشامىزدىڭ بەرىكتىگىنىڭ ءبىر كەپىلى بولماق. وسىعان وراي، بارشا وتانداستارىمىزدى وسى جاڭالىقپەن قۇتتىقتاعىم كەلىپ وتىر. ۇلتتىق ۆاليۋتامىز تاۋەلسىزدىكپەن بىرگە ماڭگى جاساسىن. ماڭگىلىك ەل بولايىق»، - دەيدى اكادەميك م. جۇرىنوۆ.

ايتا كەتەيىك، بۇگىن استاناداعى بەيبىتشىلىك پەن كەلىسىم سارايىندا وتكەن «قازاقستان تاۋەلسىزدىگىنە 25 جىل: ۇلتتىق ۆاليۋتا» تاقىرىبىنداعى كونفەرەنتسيا اياسىندا ق ر ۇلتتىق بانكىنىڭ ءتوراعاسى دانيار اقىشەۆ مەملەكەت باسشىسى نۇرسۇلتان نازاربايەۆ بەينەلەنگەن جاڭا 10000 تەڭگەلىك بانكنوتتى تانىستىردى. ال قولما-قول اقشا باسقارماسىنىڭ باستىعى توعجان ابىشەۆا جاڭا كۋپيۋرانىڭ ناقتى تارالىم سانىن ايتىپ بەردى.

اۆتور: ارمان اسقاروۆ