نازاربايەۆ بەينەلەنگەن بانكنوتتىڭ ناقتى تارالىمى بەلگىلى بولدى

استانا. قازاقپارات - ق ر ۇلتتىق بانكتىڭ قولما-قول اقشا باسقارماسىنىڭ باستىعى توعجان ابىشيەۆانىڭ ايتۋىنشا، جاڭا كۋپيۋرانىڭ تارالىمى سونداي، وعان يە بولعان ادام ودان ايىرىلماۋعا تىرىسادى، دەپ حابارلايدى قازاقپارات ءتىلشىسى.

جاڭا بانكنوتتا زاماناۋي قورعانىش ەلەمەنتتەرى جيناقتالعان. «بىرىنشىدەن، ارنايى جولاقتا استانانىڭ پونورامالىق كورىنىستەرى، ويۋ-ورنەكتەر جانە تاعى باسقا ۇلتتىق ناقىشتاعى سۋرەتتەر بەينەلەنگەن. كۋپيۋرانىڭ بەت جاعىندا دامۋ مەن جاڭعىرۋدىڭ سيمۆولى - ءومىر اعاشى كورىنىس تاپقان. البەتتە، باستى سۋرەت ول - پرەزيدەنت نۇرسۇلتان نازاربايەۆتىڭ پورترەتى.

ونى ينتاگليو ادىسىمەن جاساعان، بۇل - رەلەفتىك باسپا. جالپى، جاڭا بانكنوتتا ونعا جۋىق قورعانىش ەلەمەنتتەرى بار»، - دەيدى ت. ابىشيەۆا. جاڭا كۋپيۋرانىڭ تارالىمى شەكتەۋلى. ونى جەلتوقساننىڭ 1 ءى - پرەزيدەنت كۇنىنە وراي شىعارۋ جوسپارلانىپ وتىر. «تارالىمى - 100 مىڭ دانا. ول اقشامەن ەسەپ ايىرىسۋعا ابدەن بولادى. ءبىراق ونداي كۋپيۋراعا يە بولعان ادام ودان ايىرىلماۋعا تىرىساتىن سياقتى»، - دەيدى باسقارما باستىعى.

ايتا كەتەيىك، بۇگىن استاناداعى بەيبىتشىلىك پەن كەلىسىم سارايىندا وتكەن «قازاقستان تاۋەلسىزدىگىنە 25 جىل: ۇلتتىق ۆاليۋتا» تاقىرىبىنداعى كونفەرەنسيا اياسىندا ق ر ۇلتتىق بانكىنىڭ ءتوراعاسى دانيار اقىشيەۆ مەملەكەت باسشىسى نۇرسۇلتان نازاربايەۆ بەينەلەنگەن جاڭا 10000 تەڭگەلىك بانكنوتتى تانىستىردى.

اۆتور: ارمان اسقاروۆ