22:03, 09 - قاراشا 2016 | GMT +6
ق ر قارۋلى كۇشتەرىنىڭ سەرجانتتارى ءوز بىلىكتىلىكتەرىن شىڭداۋدا - فوتو
استانا. قازاقپارات - 2016 -جىلدىڭ 5 -قاراشاسىندا ش. ءۋاليحانوۆ اتىنداعى ق ر قورعانىس مينيسترلىگىنىڭ كادەت كورپۋسىندا ۆزۆود سەرجانتتارىنىڭ كەزەكتى بىلىكتىلىكتى ارتتىرۋ كۋرسى اياقتالدى، دەپ حابارلايدى ق ر ق ا و م باسپا ءسوز قىزمەتى.
كۋرس تاكتيكالىق، اتىس، دەنە، ينجەنەرلىك دايارلىق، اسكەري توپوگرافيا، تەحنيكالىق دايىندىق، سونداي-اق، بيىلعى جىلى ەنگىزىلگەن قاۋىپسىزدىكتى قامتاماسىز ەتۋ مەن كوشباسشىلىق سەكىلدى پاندەر بويىنشا بىلىكتىلىكتى ارتتىرۋدى قاراستىرادى. ق ر قارۋلى كۇشتەرىندەگى سەرجانتتار قۇرامىن وقىتىپ- ۇيرەتۋ ۇلگىسىنە قازاقستان رەسپۋبليكاسىنىڭ وزگە دە الەۋەتتى قۇرىلىمدارى قىزىعۋشىلىق ءبىلدىرىپ وتىر.
سونىمەن، وسى كۋرستا ءبىلىم العان ق ر مەملەكەتتىك كۇزەت قىزمەتى جانە ۇلتتىق قاۋىپسىزدىك كوميتەتى شەكارا قىزمەتىنىڭ اسكەري قىزمەتشىلەرىمەن ءوزارا ءىس- قيمىل رەتكە كەلتىرىلدى. 2016 -جىل بويىنشا ش. ءۋاليحانوۆ اتىنداعى ق ر قورعانىس مينيسترلىگى كادەت كورپۋسىنىڭ بازاسىندا 400 گە جۋىق سەرجانت ءارتۇرلى كۋرس بويىنشا ءبىلىم العاندارىن ايتا كەتەيىك.
