قارۋلى كۇشتەردە شۇعىل وقۋ- جاتتىعۋ باستالدى - فوتو
دەپ حابارلايدى مينيسترلىكتىڭ باسپا ءسوز قىزمەتى.
قارۋلى كۇشتەردە «قۇرامالار مەن بولىمدەردى جاۋىنگەرلىك ازىرلىكتىڭ جوعارى دارەجەسىنە كەلتىرۋ. داعدارىستىق اۋدانعا قايتا توپتاسۋدى ۇيىمداستىرۋ. ارنايى اسكەري وپەراتسيانى دايىنداۋ جانە جۇرگىزۋ» تاقىرىبىندا ق ر ق ك دەسانتتىق- شابۋىلداۋ اسكەرلەرىمەن شۇعىل وقۋ- جاتتىعۋى باستالدى. تەكسەرىس شەڭبەرىندە لەكتەردىڭ قۇرىلۋ اۋدانىنا اسكەري تەحنيكانىڭ شىعۋى جۇزەگە اسىرىلدى.
اسكەرلەر اسكەري پوليگوندارعا ۇزاق قاشىقتىققا قۇرامداستىرىلعان تاسىلمەن جورىققا شىعادى. وقۋ- جاتتىعۋعا 5 مىڭعا جۋىق اسكەري قىزمەتشى، شامامەن 500 بىرلىك قارۋ- جاراق پەن اسكەري تەحنيكا، 20 دان اسا بىرلىك ۇشاق پەن تىكۇشاق تارتىلدى. وقۋ- جاتتىعۋدىڭ نەگىزگى ماقساتى - ارنايى اسكەري وپەراتسيانى دايىنداۋ جانە جۇرگىزۋ، اسكەر تەكتەرىنىڭ بولىمدەرى مەن قۇرامالارى اراسىنداعى تۇراقتى ءوزارا ءىس- قيمىلدى ۇيىمداستىرۋ، سونداي- اق، ارنايى اسكەري وپەراتسيانى جۇرگىزۋ امالدارى مەن تاسىلدەرىن جەتىلدىرۋ جونىندە تاپسىرمالاردى ورىنداۋعا باسقارۋ ورگانى مەن اسكەرلەردىڭ جاي- كۇيىن تەكسەرۋ. وقۋ- جاتتىعۋ قاراشانىڭ 7 مەن 11 ارالىعىندا وتەدى. 
