ەلىمىزدە جوعارى لاۋازىمعا يە بولعان سۇلۋ قىز-كەلىنشەكتەر كىم؟ - فوتو

استانا. قازاقپارات - بيلىكتەگى ايەلدەر دەسەك، ويىڭىزعا بىردەن ورتا جاستان اسقان، الدى نەمەرە ءسۇيىپ ۇلگەرگەن نازىك جاندىلار ورالادى.

NUR. KZ پورتالى نازارلارىڭىزعا جاس تا بولسا باس بولىپ، ورىنتاعىندا نىق وتىرعان حانىمداردى ءتىزىپ كورمەك.

بيبىگۇل اسىلوۆا -  ءبىلىم جانە عىلىم ءمينيسترىنىڭ ورىنباسارى

بيبىگۇل حانىم 2016-جىلدىڭ ماۋسىم ايىندا ءمينيستردىڭ ورىنباسارى بولىپ تاعايىندالدى. ۆيتسە-مينيستردىڭ كۇيەۋى دە مەملەكەتتىك قىزمەتكەر. باقىتتى وتباسى ادەما، سۇلتان ەسىمدى ۇل-قىز تاربيەلەۋدە.

بيبىگۇل اسىلوۆا ءبىر سۇحباتىندا اتا-ەنەسىمەن ءبىر شاڭىراق استىندا تۇراتىنىن ايتقان ەدى. ونىڭ ويىنشا، بالالار ءۇشىن اتا مەن اجە بەرەتىن تاربيەنىڭ ورىنى مۇلدە بولەك. ۆيتسە-مينيستر ءبىرىنشى ورىنعا وتباسىن قوياتىنىن جاسىرمادى.

دانا ءجۇنىسوۆا - «اتامەكەن» ۇ ك پ باسقارما باسشىسىنىڭ ورىنباسارى

31 جاستاعى دانا ءجۇنىسوۆا - بۇرىنعى سەلينوگراد قالاسىنىڭ تۋماسى. ت. رىسقۇلوۆ اتىنداعى قازاق ەكونوميكا ۋنيۆەرسيتەتىنەن ەكونوميست ماماندىعىن الىپ شىققان. قازىرگى كەزدە ەۋروپالىق ۋنيۆەرسيتەت باعدارلاماسى بويىنشا حالىقارالىق بيزنەس اكادەمياسىنىڭ ماگيسترانتى.

ەڭبەك جولىن 2003-جىلى «قازاقستان تەمىر جولى» ۇلتتىق كومپانياسى» ا ق- دا باس مامان بولىپ باستاعان. 2015-جىلدىڭ قازان ايىنان باستاپ قازىرگى ۋاقىتقا دەيىن - باسقارما ءتوراعاسى ورىنباسارىنىڭ مىندەتىن اتقارۋشى - «اتامەكەن» ق ر ۇلتتىق كاسىپكەرلەر پالاتاسىنىڭ ەكونوميكالىق ينتەگراتسيا دەپارتامەنتىنىڭ ديرەكتورى قىزمەتىندە.

جەكە ءومىرى تۋرالى عالامتوردا ەش مالىمەت كەلتىرىلمەگەن.

اسەم ءنۇسىپوۆا - «قاز ترانس ويل» ا ق باس ديرەكتورىنىڭ ەكونوميكا جانە قارجى جونىندەگى ورىنباسارى

اسەم حانىم قازاق ۇلتتىق ۋنيۆەرسيتەتىندە اتىشۋلى گۇلجان قاراعۇسوۆادان ءتالىم العان. ودان كەيىن ماسكەۋدە، لوندوندا، ۆاشينگتوندا تاجىريبە جيناقتاعان.

ايتا كەتۋ كەرەك، اسەم ءنۇسىپوۆا قارجى ءمينيسترىنىڭ، ءتىپتى پرەمەر ءمينيستردىڭ كەڭەسشىسى قىزمەتىن، دەنساۋلىق ساقتاۋ ۆيتسە-ءمينيسترى قىزمەتتەرىن اتقارىپ كەلگەن. جوعارى شەندى انا ءوزىنىڭ ەڭ باستى جەتىستىگى رەتىندە مانسۇر جانە ماريام اتتى ەگىز ۇل مەن قىزىن كورەدى.

جانار بەكتايەۆا - تۇلكىباس اۋدانى اكىمىنىڭ ورىنباسارى

جانار وسى جىلدىڭ كوكتەمىندە و ق و- داعى تۇلكىباس اۋدانى اكىمىنىڭ ورىنباسارى قىزمەتىنە جايعاستى. جانار حانىم 1982-جىلى جامبىل وبلىسى، قاراتاۋ قالاسىندا تۋعان. ق. ا. ياسساۋي اتىنداعى ۋنيۆەرسيتەتىن «ساياسات تانۋ» ماماندىعى بويىنشا ءتامامداعان.

ەستەرىڭىزگە سالا كەتسەك، جانار بەكتايەۆا سوزاق اۋدانىنىڭ بۇرىنعى اكىمى الىبەك بەكتايەۆتىڭ قىزى.

دينارا بولاتبەك قىزى - قازاقستان بوكس فەدەراتسياسىنىڭ حالىقارالىق بايلانىستار جونىندەگى ۇيلەستىرۋشىسى

جۋرناليستيكادان سپورت مەنەدجمەنتىنە بىردەن اۋىسقان مامان از ۋاقىت ىشىندە تانىلىپ ۇلگەردى. لوندوندا تەلەراديوجۋرناليستيكا سالاسى بويىنشا ماگيستراتۋرانى ءتامامداپ، ەلىمىزدە ءبىراز ۋاقىت تەلەارنادا قىزمەت جاساعانى ەستە. شەت تىلىندە ەمىن-ەركىن سويلەيتىن ارۋ ءوز ءتىلىن دە قاتتى قۇرمەت تۇتادى. دينارا بوكس فەدەراتسياسى وتكىزگەن ءىرى حالىقارالىق جارىستاردا ءوزىنىڭ ساۋاتتىلىعىمەن جانە جوعارى مادەنيەتىمەن كوزگە تۇسكەن بولاتىن.

اننا اليايەۆا - استانا قالالىق جاستار ءماسليحاتىنىڭ دەپۋتاتى

اننا 1993-جىلى شىمكەنت قالاسىندا تۋعان. بەس جاسىنان گيمناستيكامەن اينالىسقان جاس سپورتشى لوندون وليمپياداسىنان كەيىن سپورتتان كەتەتىنىن مالىمدەدى. ول قازىر استانا قالاسىنىڭ جاستار ءماسليحاتىنىڭ دەپۋتاتى، بۇدان ءارى دە ءوزىن ساياساتتان كورەدى. سونداي-اق ول بالالار مەن ەرەسەكتەرگە ارنالعان گيمناستيكا ستۋدياسىن اشىپ الدى.