ەلوردادا ۇزدىك قازاقءتىلدى سايتتار ماراپاتتالدى
بايقاۋ ماقساتى - ينتەرنەت جۇيەسىندەگى ۇزدىك قازاقءتىلدى رەسۋرستاردى انىقتاۋ مەن ناسيحاتتاۋعا، اقپاراتتىق رەسۋرستار مەن سەرۆيستەردىڭ سانى مەن ساپاسىن ارتتىرۋعا، جەلى قولدانۋشىلارىنىڭ قىزىعۋشىلىعىن ۇلعايتۋعا، اقپارات كەڭىستىگىندە قازاق ءتىلىنىڭ قولدانىس اياسىن كەڭەيتۋگە جانە ۇزدىكتەردىڭ تانىمالدىلىعىن كوتەرۋگە ىقپال ەتۋ.
سىيلىق قۇرىلتايشىسى - قازاقستان رەسپۋبليكاسى تۇڭعىش پرەزيدەنتى - ەلباسى قورى. بايقاۋ وتكىزۋدەگى سەرىكتەسى مەن ۇيىمداستىرۋشى - مەملەكەتتىك ءتىلدى دامىتۋ قورى. بايقاۋعا مەملەكەتتىك تىلدە اقپارات تاراتاتىن ۇكىمەتتىك ەمەس، تاۋەلسىز قوعامدىق سايتتار قاتىستى. راسىمگە قازاقستان رەسپۋبليكاسى پارلامەنتىنىڭ دەپۋتاتتارى، كورنەكتى قوعام قايراتكەرلەرى، ق ر م س م تىلدەردى دامىتۋ جانە قوعامدىق- ساياسي جۇمىس كوميتەتىنىڭ ءتوراعاسى قۋانىش اسىلوۆ قاتىستى. بايقاۋعا رەسپۋبليكانىڭ بارلىق ايماقتارىنان 30 دان استام ءوتىنىم ءتۇستى.
بايقاۋ كوميسسياسى 7 اتالىم بويىنشا جەڭىمپازداردى انىقتادى. «وتكىر ءتىل» - قازاق ءتىلىن جانە ۇلتتىق قۇندىلىقتاردى ناسيحاتتاۋشى ۇزدىك سايت اتالىمى بويىنشا www.qazaquni.kz پورتالى، «رۋحاني ازىق» - قازاق ادەبيەتى مەن مادەنيەتىن ناسيحاتتاۋشى ۇزدىك سايت اتالىمى بويىنشا www.qasym.kz پورتالى، «تەرەڭ ىزدەنىس» - قازاق ەلىنىڭ تاريحىن ناسيحاتتاۋشى ۇزدىك سايت اتالىمى بويىنشا www.kazmuseum.kz سايتى، «شىنايى ءومىر» - قوعامداعى وزەكتى ماسەلەلەردى تالقىلايتىن ۇزدىك سايت اتالىمى بويىنشا www.tobyl-torgai.kz سايتى، «سپورت تىنىسى» - سالاۋاتتى ءومىر سالتى مەن سپورتتى ناسيحاتتاۋشى ۇزدىك سايت اتالىمى بويىنشا www.dodasport.kz سايتى، «ءبىلىم بۇلاعى» - ءبىلىم بەرەتىن ۇزدىك سايت اتالىمى بويىنشا www.martebe.kz سايتى، «جاستار الەمى» - جاستار تاقىرىبىنا ارنالعان ۇزدىك سايت اتالىمى بويىنشا www.massaget.kz پورتالى جەڭىمپاز بولىپ تانىلدى. بايقاۋ جەڭىمپازدارىنا قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ ديپلومدارى مەن اقشالاي سىيلىق تاپسىرىلدى.
