15:28, 04 - قاراشا 2016 | GMT +5
قازاق اسحاناسى الەمدەگى ەڭ ناشار اسحانالاردىڭ بەستىگىنە كىردى
استانا. قازاقپارات - Steaklovers.menu ينتەرنەت- سايتىنىڭ جاساعان رەيتينگى بويىنشا، قازاق اسحاناسى الەمدەگى ەڭ ناشار اسحانالاردىڭ بەستىگىنە كىرگەن.
قازاق اسحاناسى ناشارلىعى توعىزىنشى ورىندا قالعان امەريكالىق فاست-فۋدتىڭ دا الدىن وراپ كەتكەن. ال ناشار اسحانالاردىڭ بەسىنشى ورىنى مايلى ەت پەن ءسۇت ونىمدەرىنە بايلانىستى بۇيىرىپتى.
رەيتينگى قۇراستىرۋشىلار زياندىلىعى جاعىنان ارميان اسحاناسىن ءبىرىنشى ورىنعا قويعان. ەكىنشى، ءۇشىنشى ورىنداردا ۆەنگريا مەن بەلگيا ورنالاسقان. ءتورتىنشى ورىنعا چەحيا تۇراقتاسا، قازاقستان - بەسىنشى ورىندا.
ءبىزدىڭ اسحانانىڭ كىناسى تەك مايلى ەت پەن سۇتتە عانا ەمەس، قازاقستاندىقتاردىڭ فاست- فۋد تاعامدارىنا دەگەن ماحابباتىنا دا قاتىستى ەكەن. بىزدە ءتىپتى مەكتەپتەگى تاماقتاندىرۋ جۇيەسىن دە جەدەل تاماقتاندىرۋ جەلىلەرى جاۋلاپ العان.
