تۇڭعىشباي جامانقۇلوۆتىڭ دەنساۋلىعى سىر بەردى مە
ەسكە سالا كەتەيىك، كۇدىكتى رەتىندە ۇستالعان تانىمال اكتەر كەشە كەپىل زاتپەن بوساتىلعان بولاتىن، قازىرگى كەزدە تۇڭعىشباي جامانقۇلوۆ ۇيىندە، دەپ حابارلايدى قازاقپارات ءتىلشىسى.
«تۇڭعىشباي اعا ۇيدە. قازىرگى كەزدە جاعدايى ءتاۋىر. دەمالىپ جاتىر. دەنساۋلىعى ەندى... بىلمەيمىن... قازىر تۇسىنىكسىز. بىلمەيمىن. اۋرۋحاناعا بارامىن دەدى. ءسال كۇتە تۇرايىقشى. اعاي ءوز- وزىنە كەلگەننەن كەيىن ءبارىن ايتىپ بەرەدى. ازىرشە، تون پىشۋدەن اۋلاق بولايىقشى»، - دەدى اكتەردىڭ ۇيىنە حابارلاسقانىمىزدا، تەلەفون تۇتقاسىن كوتەرگەن ادام. ول ءوز اتىن ايتۋدان دا باس تارتتى.
ايتا كەتەيىك، وسىعان دەيىن سىبايلاس جەمقورلىققا قارسى كۇرەس جونىندەگى ۇلتتىق بيۋرو «تۇڭعىشباي جامانقۇلوۆ ءوز كىناسىن مويىندادى» دەگەن اقپاراتتى دا تاراتقان بولاتىن. «ت. جامانقۇلوۆ شىعىندى ءىشىنارا وتەدى جانە ونىڭ قوعامداعى ورنى، جاسى جانە كەپىل زات تولەگەنى نازارعا الىنىپ، جامانقۇلوۆقا قاتىستى «كەپىل» شاراسى قولدانىلدى. شىنايى وكىنۋىنە بايلانىستى قىلمىستىق جاۋاپتىلىقتان بوساتۋ تۋرالى ءوتىنىش ت. جامانقۇلوۆ، ن. يۋدينا جانە گ. ىسقاقوۆا كەلتىرىلگەن شىعىندى تولىق وتەگەن سوڭ قارالادى»، - دەلىنگەن رەسمي حابارلامادا.
اۆتور: ارمان اسقاروۆ
