سوعىس كەزىندە نەمىس تۇتقىنىندا بولعان قازاقستاندىقتار گەرمانيادان اقشالاي وتەماقى الا باستادى

استانا. قازاقپارات - ەكىنشى دۇنيەجۇزىلىك سوعىس كەزىندە نەمىس تۇتقىنىندا بولعان قازاقستاندىق سوعىس ارداگەرلەرى گەرمانيادان ارنايى وتەماقى الا باستايدى.

بۇل تۋرالى حابار 24 حابارلايدى.

قازىرگى تاڭدا 2500 ەۆرو قاراجاتتى قازاقستاندىق بۇرىنعى بىرنەشە اسكەري تۇتقىندار الىپ ۇلگەرگەن. ولاردىڭ ءبارى وڭتۇستىك قازاقستان وبلىسىندا تۇراتىن ازاماتتار.

«بۇرىنعى جاۋىنگەرلەر اقشالاي وتەماقى الدى، شامامەن التى ادام. ونىڭ ىشىندە ارداگەردە بار. وكىنىشكە قاراي، ونىڭ اقشالاي وتەماقىسى بانك شوتىنا ول كىسى قايتىس بولعان كۇنى ءتۇستى»، - دەيدى ق ر پرەزيدەنت مۇراعاتىنىڭ ديرەكتورى بوريس جاپاروۆ.

ەسكە سالا كەتسەك، گەرمانيا ۇكىمەتى وتەماقى قاراستىرۋ تۋرالى شەشىمدى وتكەن جىلى قابىلداعان ەدى. قازاقستاننان 11 ادام ءوتىنىش بەرگەن. قازىر كوزى ءتىرى اسكەري تۇتقىندار تۋرالى قوسىمشا اقپاراتتار ءتۇسىپ جاتىر. جالپى فاشيستەردىڭ تۇتقىنىنا 200 مىڭ قازاقستاندىق تاپ بولعان. ولاردىڭ كوبىسىنىڭ تاعدىرى قايعىلى اياقتالعان.

«اكەمىز 97 جاستا. العان بارلىق اقشانى ول كىسىنىڭ دەنساۋلىعى، ەمى، تاماعى مەن جاعدايى ءۇشىن جۇمسايمىز»، - دەدى سوعىس ارداگەرىنىڭ ۇلى مۇحيت اداسوۆ.