21:59, 03 - قاراشا 2016 | GMT +5
ساعىنتايەۆ ق ح ر مەملەكەتتىك كەڭەسىنىڭ پرەمەرى لي كىچياڭمەن كەزدەستى
استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى باقىتجان ساعىنتايەۆ ق ح ر مەملەكەتتىك كەڭەسىنىڭ پرەمەرى لي كىچياڭمەن كەزدەستى، دەپ حابارلايدى primeminister.kz.
تاراپتار ق ر پرەزيدەنتى نۇرسۇلتان نازاربايەۆ پەن ق ح ر مەملەكەتتىك كەڭەسىنىڭ ءتوراعاسى شي جينپيڭنىڭ قازاقستاندىق «نۇرلى جول» ۇلتتىق ەكونوميكالىق باعدارلاماسى مەن «جىبەك جولىنىڭ ەكونوميكالىق بەلدەۋى» قىتايلىق باستاماسىن تۇيىندەستىرۋ بويىنشا تاپسىرمالارىن ىسكە اسىرۋ ماسەلەلەرىن تالقىلادى.
ەكونوميكا، ەنەرگەتيكا، اۋىل شارۋاشىلىعى، تۋريزم، كولىك-لوگيستيكا سالاسىنىڭ جانە كوممۋنيكاتسيالاردىڭ ءتۇرلى سفەرالارىنداعى ەكىجاقتى قارىم-قاتىناستاردىڭ اعىمداعى جاعدايى جانە مۇمكىندىكتەرى قاراستىرىلدى.
كەزدەسۋ اياسىندا قوستاناي قالاسىنداعى JAC اۆتوكولىك قۇراستىرۋ زاۋىتىمەن تەلەكوپىر ءوتتى، وندا العاش بىرلەسىپ شىعارعان JAC S5 اۆتوموبيلى تانىستىرىلدى.
