تۇڭعىشباي جامانقۇلوۆ ۇستالدى

استانا. قازاقپارات - ۇلتتىق سىبايلاس جەمقورلىققا قارسى ءىس-ارەكەت بيۋروسى «فەنيكس» كوركەم فيلمىن تۇسىرۋگە ارنالعان بيۋدجەتتىك قاراجاتتى جىمقىرعان فاكتىنى انىقتادى دەپ حابارلايدى اگەنتتىكتىڭ باسپا ءسوز قىزمەتى.

تەرگەۋ «قازاق فيلم» ا ق فيلمنىڭ باستاپقى ازىرلىك جانە دايىندىق كەزەڭدەرىنە «ت. ك. TURAN UNIVERSAL BUSINESS»  ج ش س- عا 79 ميلليون تەڭگە بولگەنىن انىقتادى. ونىڭ 69 ميلليون تەڭگەسىن ونىڭ قۇرىلتايشىسى بولىپ تابىلاتىن «ت. ك. TURAN UNIVERSAL BUSINESS»  ج ش س ارقىلى كارتينانىڭ باس پروديۋسەرى ت. جامانقۇلوۆ ۇرلاعان.

اقشا قوسالقى مەردىگەرلىك ۇيىم ارقىلى ت. جامانقۇلوۆقا بەرىلىپ وتىرعان. سونداي-اق «قازاق فيلم» ا ق- نىڭ ەكونوميكا جانە قارجى باسقارۋشى ديرەكتورى گ. ىسقاقوۆا جانە اتقارۋشى پروديۋسسەر ن. يۋدينا ۇرلىققا قاتىسقانى دالەلدەندى. ولار سوت سانكسياسىمەن تۇتقىندالدى. وسى جىلى 2- قاراشادا كورسەتىلگەن قارجىنى ۇرلادى دەگەن كۇدىكپەن ت. جامانقۇلوۆ ۇستالدى.