بيلىك ەكسپو كەزىندە استانادا سوتتالعاندار مەن قاڭعىباستار سانىن ازايتۋعا نيەتتى
سونىمەن قاتار اكىم ورىنباسارى ەكسپو كورمەسى ۋاقىتىندا تۇراتىن جەرى جوق ادامداردىڭ قالادا ءجۇرۋى ماسەلەسىن كوتەردى. ءوزىنىڭ كوزقاراسىن ول اكىمدىك عيماراتىندا وتكەن باسپا ءسوز ءماسليحاتى بارىسىندا ءتۇسىندىردى، دەپ حابارلادى «قازاقپارات» ح ا ا ءتىلشىسى.
ول سوتتالىپ شىققانداردىڭ قالاعا كەلۋىنە تىيىم سالۋ ماسەلەسى بويىنشا ۇسىنىس قارالاتىنىن اتاپ ءوتتى، ول قاتاڭ تىيىم ەمەس، ۇسىنىس تۇرىندە بولۋى مۇمكىن. ولاردى باسقا وڭىرلەرگە پروباتسيالىق ورتالىقتارعا جىبەرۋ ۇسىنىلادى. ا. لۋكين ەتس-166/10-دا (قاتاڭ رەجىم) 630 ادام بار ەكەنىن ايتتى. 1- قاڭتاردان باستاپ ولاردىڭ وزدەرىنىڭ قالاۋى بويىنشا تۇراتىن جەردى تاڭداۋ قۇقىعى بار، ول استانا بولۋى دا مۇمكىن.
ونىڭ ايتۋىنشا، 1- قاڭتاردان باستاپ نەگىزىنەن قاۋىپتى قىلمىس جاساعان تۇلعالار بوساپ شىعادى. ونىڭ ىشىنىدە 99-باپ- 289، «زورلاۋ» 120-باپ - 31، «سەكسۋالدىق سيپاتتاعى كۇشتەۋ ارەكەتتەرى» 121-باپ - 16، «قاراقشىلىق» 122-باپ بويىنشا - 6، 297-باپ بويىنشا 124 ادام بوستاندىققا شىعادى.
«بۇل ادامدار الەۋمەتتەنۋى قاجەت: تۇراتىن جەر تاۋىپ، جۇمىسقا ورنالاسۋى ءتيىس. ۇزاق ۋاقىت كۇردەلى جاعدايدا ءومىر سۇرگەن ولارعا بەيىمدەلۋ ءۇشىن ۋاقىت قاجەت. وسىلاردىڭ بارلىعىن ەسكەرىپ، اتالعان باپتار بويىنشا سوتتالعانداردىڭ 1- قاڭتاردان 1- قازانعا دەيىن استاناعا كەلمەي تۇرا تۇرۋ ۇسىنىسىن ەنگىزدىم. جەڭىل سيپاتتاعى قىلمىس جاساعان باسقا ادامدار جايلى اڭگىمە بولعان جوق»، - دەدى ا. لۋكين.
