وليمپيادا جۇلدەگەرى داريعا شاكىموۆا ەلوردا مەكتەپتەرىندە اشىق دەنە شىنىقتىرۋ ساباقتارىن وتكىزدى
بۇل تۋرالى ەلوردانىڭ رەسمي سايتىندا حابارلادى.
«فيزكۋلت-ۋرا» جوباسى بالالار مەن جاسوسپىرىمدەردى ارمانعا ۇمتىلۋعا، تابىسقا جەتۋگە ىنتالاندىرادى. وليمپيادا چەمپيوندارى - قازاقستانداعى ميلليونداعان بالاعا ۇلگى بولاتىن ادامدار. اركىمنىڭ ماقساتقا جەتەر جولى قيىن، ءبىراق ەڭ باستىسى - توقتاماي، سول ماقساتقا ۇمتىلا ءبىلۋ»، - دەدى داريعا شاكىموۆا.
ساباقتان كەيىن 37№ مەكتەپتىڭ ءدارىس زالىندا وقۋشىلارمەن كەزدەسۋ ۇيىمداستىرىلدى، ونىڭ بارىسىندا بالالار سپورتشىلارعا وزدەرىن قىزىقتىرعان سۇراقتارىن قويدى. يۋري مەلنيچەنكو جاستاردىڭ بيىك جەتىستىكتەرگە جەتۋ ءۇشىن مۇمكىندىكتەرى بار ەكەنىن، ءبىراق بۇل ءۇشىن دەنىڭ ساۋ بولىپ، دەنە شىنىقتىرۋمەن اينالىسۋ قاجەتتىگىن اتاپ كورسەتتى.
«فيزكۋلت-ۋرا» - استانا قالاسى اكىمدىگىنىڭ قولداۋىمەن، «Samruk-Kazyna Trust» الەۋمەتتىك جوبالاردى دامىتۋ قورىنىڭ قامقورلىعىمەن وتكىزىلەتىن، بالالاردى جانە جاسوسپىرىمدى دەنە شىنىقتىرۋ جانە سپورتپەن اينالىسۋعا شاقىراتىن جوبا.
الەۋمەتتىك جوبا استانا، الماتى، اقتوبە جانە قاراعاندى قالالارىندا ءوتتى. وعان دميتري بالاندين، گيۋزەل مانيۋروۆا، سەرىك ساپيەۆ، ولگا شيشيگينا، ۆالەري تيحونەنكو، ەرماحان يبرايموۆ، جاقسىلىق ۇشكەمپىروۆ، يۋري مەلنيچەنكو، دانيار ەلەۋسىنوۆ، ەلميرا سىزدىقوۆا سياقتى ايگىلى سپورتشىلار قاتىستى.
