نازاربايەۆ: بيۋدجەت پەن ۇلتتىق قوردان بولىنەتىن قاراجاتتى ءتيىمدى پايدالانۋ قاجەت

استانا. قازاقپارات - ەلباسى نۇرسۇلتان نازاربايەۆ ۇلتتىق ەكونوميكا ءمينيسترى قۋاندىق بيشىمبايەۆتى قابىلدادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

كەزدەسۋدە ق. بيشىمبايەۆ ەلباسىعا قازاقستاننىڭ بيىلعى 9 ايداعى الەۋمەتتىك- ەكونوميكالىق دامۋ قورىتىندىلارى، سونداي-اق كولىك ينفراقۇرىلىمىن دامىتۋ مەن ەكونوميكانى قولداۋدىڭ نەگىزگى تەتىگى بولىپ وتىرعان «نۇرلى جول» باعدارلاماسىنىڭ ورىندالۋ بارىسى تۋرالى باياندادى.

قازاقستان پرەزيدەنتى ەكونوميكالىق دامۋ قارقىنىن ودان ءارى جەدەلدەتۋ، تۇرعىنداردىڭ الەۋمەتتىك ءال- اۋقاتىن ارتتىرۋ، ەكونوميكانى قولداۋ جانە باستى مەملەكەتتىك باعدارلامالاردى ىسكە اسىرۋ ءۇشىن بيۋدجەت پەن ۇلتتىق قوردان بولىنەتىن قاراجاتتى ۇتىمدى ءارى ءتيىمدى پايدالانۋ قاجەتتىگىنە باسا نازار اۋداردى.

ۇلتتىق ەكونوميكا ءمينيسترى ءوز بايانداماسىندا 2016 -جىلعى 9-ايدا ىشكى جالپى ءونىم (ءى ج ءو) %0,4 عا وسكەنىن اتاپ ءوتتى.

«قۇرىلىس جانە كولىك سالاسى، وڭدەۋ ونەركاسىبى مەن اۋىل شارۋاشىلىعى ەكونوميكا ءوسىمىنىڭ نەگىزگى قوزعاۋشى كۇشى (درايۆەرى) بولىپ سانالادى. كولەمنىڭ ارتۋى

قۇرىلىستا - %6,9، اۋىل شارۋاشىلىعىندا - %4,9، كولىك سالاسىندا - %4، وڭدەۋ ونەركاسىبىندە - %0,6 بولىپ وتىر. سونىمەن بىرگە مەتاللۋرگيا مەن فارماتسيەۆتيكا ونىمدەرىنىڭ، ازىق- تۇلىك پەن مۇناي وڭدەۋ ءوندىرىسىنىڭ مولشەرى ارتقانى بايقالادى»، - دەدى ق. بيشىمبايەۆ.

بۇدان بولەك، مەملەكەت باسشىسىنا «100 ناقتى قادام» ۇلت جوسپارى اياسىنداعى «يندۋستريالاندىرۋ جانە ەكونوميكالىق ءوسىم» اتتى ءۇشىنشى ينستيتۋتسيونالدىق رەفورمانىڭ ورىندالۋ بارىسى جونىندە باياندالدى.

نۇرسۇلتان نازاربايەۆ كەزدەسۋ قورىتىندىسى بويىنشا ءبىرقاتار ناقتى تاپسىرما بەردى.