ەرتەڭ قانات يسلام مەن اللوتەيدىڭ سالماق ولشەۋ ءراسىمى وتەدى

استانا. قازاقپارات - ەرتەڭ قانات يسلام مەن پاتريك اللوتەيدىڭ سالماق ولشەۋ ءراسىمى وتەدى.

بۇل تۋرالى قازاقپارات تىلشىسىنە شارانى ۇيىمداستىرۋشىلار ءمالىم ەتتى.

ۇيىمداستىرۋشىلاردىڭ مالىمەتىنە سۇيەنسەك، قانات يسلام مەن پاتريك اللوتەيدىڭ سالماق ولشەۋ ءراسىمى ەرتەڭ، ياعني 28- قازان كۇنى ساعات 11:00 دە «Mega park»  ساۋدا ويىن-ساۋىق ورتالىعىنىڭ 3- قاباتىندا وتەتىنى بەلگىلى بولىپتى.

ەستەرىڭىزگە سالا كەتەيىك، قانات يسلام مەن پاتريك اللوتەي اراسىنداعى جەكپە-جەك 29- قازان كۇنى الماتىدا «الماتى ارەنا» سپورت كەشەنىندە وتەدى.

بۇل كۇنى قانات يسلامنان بولەك، جانىبەك ءالىمحان ۇلى، جانقوش تۇراروۆ، رۋسلان مىرساتايەۆ، الي احمەتوۆ، ايدار شارىبايەۆ، ايدوس ەربوسىن ۇلىنىڭ كاسىبي بوكستاعى ايقاستارىن تاماشالايتىن بولامىز.

اۆتور: كۇنسۇلتان وتارباي