استانادا بولاشاقتا الەمدى وزگەرتەتىن جوبالار تانىستىرىلادى
بۇل تۋرالى بۇگىن #NEWENERGY Global Startup Fest دۇنيەجۇزىلىك بايقاۋى اسىنداعى باسپا ءسوز ءماسليحاتىندا «مۇناي جانە گاز اقپاراتتىق- تالداۋ ورتالىعى» ا ق باس ديرەكتورىنىڭ مىندەتىن اتقارۋشى اسقار مۇنارا ءمالىم ەتتى.
«ءبىز ۋادە ەتكەنىمىزدەي، استانادا الەمنىڭ 37 ەلىنەن ەڭ مىقتى دەگەن 100 ستارتاپ- جوبالاردى جينادىق. ەرتەڭگى كۇننىڭ بارىسىندا ولار وزدەرىنىڭ جاساپ شىعارعان بىرەگەي جوبالارىن تانىستىرادى. اتاپ ايتقاندا، سوڭعى بەس ايدا ءبىزدىڭ قۇرمەتتى قازىلار القاسى ەڭ ۇزدىك ءجۇز جوبانى ىرىكتەدى جانە بولاشاقتا بۇل ونەرتاپقىشتار ءبىزدىڭ الەمدى وزگەرتۋى دە مۇمكىن»، - دەدى ا. مۇنارا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، بايقاۋ اياسىندا بارشا دۇنيەجۇزىنە جاريالانعان انونستىڭ بارىسىندا جاڭاراتىن ەنەرگيا كوزدەرى، تازا تەحنولوگيالار، «اقىلدى قالا» باعىتىندا 800 دەن استام جوبا ۇسىنىلدى. بۇل رەتتە ساراپشىلار وسىلارىڭ اراسىندا ەڭ ۇزدىكتەرىن تاڭدادى.
«ستارتاپ- كومپانيالاردىڭ وكىلدەرى قازىرگى كەزدە استاناعا كەلىپ جاتىر جانە ەرتەڭ تاۋەلسىزدىك سارايىندا كۇنى بويى جۇلدەلى ورىندارعا تالاسادى. وسى ورايدا ءبىز اتالعان 100 جوبانىڭ ىشىنەن الدىڭعى قاتارلى 30 ىن ىرىكتەۋىمىز قاجەت، بۇدان كەيىن جۇلدەگەر بەستىك تاڭدالادى جانە ولاردى استاناداعى «ەكسپو-2017» حالىقارالىق كورمەسىنە شاقىرامىز»، - دەدى ول.
ونىڭ سوزىنە قاراعاندا، استاناعا وتىزدان استام حالىقارالىق ينۆەستورلار ارنايى ساپارلاپ كەلگەن كورىنەدى. ولار ءوز كەزەگىندە بۇل جوبالارعا ينۆەستيتسيا سالۋعا نيەتتى ەكەن. بەلگىلى بولعانداي، باستاپقىدا قازاقستان تاراپىنان 10 نان استام جوبا ۇسىنىلعان، كەيىننەن ىرىكتەۋ كەزەڭىنەن بەسەۋى ءوتتى. ەڭ كوپ جوبانى يزرايل جانە ا ق ش ستارتاپتارى ۇسىنعان.
«استانادا تانىستىرىلاتىن جوبالاردىڭ بارلىعى دا وزدەرىنىڭ ماقساتى بويىنشا ەرەكشە. ماسەلەن، اۆستراليالىق كلينتون بۋرچات ءوزىنىڭ جوباسىن كورسەتتى. ساراپشىلاردىڭ كوبى ونىڭ جوباسى الداعى ۋاقىتتا پوشتاشىلاردى الماستىرادى دەگەن تۇجىرىمدى ايتۋدا. سەبەبى، دروندار سەكىلدى اقىلدى تەحنولوگيالاردىڭ كومەگىمەن كەز كەلگەن قاشىقتىققا جۇكتەردە جەتكىزۋگە بولادى»، - دەدى ا. مۇنارا.
اۆتور: رۋسلان عابباسوۆ
