ساۋد ارابياسى حانزاداسىنا جاريالانعان ءولىم جازاسىنىڭ سەبەبى بەلگىلى بولدى
بيلىك باسىنداعى وتباسى مۇشەسىنىڭ وسىدان ءۇش جىل بۇرىن ساۋد ارابياسىنىڭ وزگە ازاماتىن ولتىرگەندىگى ءۇشىن ايىپتى دەپ تانىلدى. كورولدىكتىڭ ءى ءى م مالىمدەۋىنشە، حانزادا يەر-ريادتاعى توپتىق توبەلەستە ادەل بين سۋلەيمان بين ابدۋل كاريم موحاممەدتى ولتىرگەن.
تەرگەۋ شارالارىنان كەيىن ساۋد ارابياسى كورولدىگىنىڭ قۇقىق قورعاۋ ورگاندارى حانزاداعا قىلمىس جاسادى دەگەن ايىپ تاعىپ، ول ءىس سوتقا جىبەرىلدى. ساۋد ارابياسىنىڭ اپەللياتسيالىق سوتى مەن جوعارعى سوتى حانزادا تۋركيدى ءولىم جازاسىنا كەسۋ جونىندەگى شەشىمدى قولدادى.
مارقۇم زارداپ شەگۋشىنىڭ وتباسى ۇكىمنىڭ ورىندالۋىن تالاپ ەتتى. سونداي-اق، ءى ءى م مالىمدەمەسىندە ساۋد ارابياسىنىڭ كورولى سالماننىڭ قاۋىپسىزدىكتى، ادىلەتتىلىكتى جانە جاراتۋشى پايىمىنا اينىماس ادالدىعىن قولدايتىنى حابارلانعان.
سونداي-اق، كورولدىك مونارحى كىناسىز جاندارعا شابۋىل جاساپ، قان توگۋگە تىرىسقانداردىڭ بارلىعىنىڭ زاڭعا سايكەس جازالاناتىنىن ەسكەرتتى.
