اقمولا وبلىسىندا يمامدار تاپشى
وعان اتالعان كەڭەس مۇشەلەرى، اۋداندار مەن قالا اكىمدىكتەرىنىڭ جانىنداعى تەرروريزمگە قارسى كۇرەس كوميسسيالارىنىڭ ءتوراعالارى، مەملەكەتتىك مەكەمەلەر مەن ۇكىمەتتىك ەمەس ۇيىمداردىڭ باسشىلارى، وبلىس اكىمى اپپاراتىنىڭ جاۋاپتى قىزمەتكەرلەرى مەن ب ا ق وكىلدەرى قاتىستى.
وتىرىس بارىسىندا وبلىستاعى تەرروريزمگە قارسى كۇرەس كوميسسياسىنىڭ الەۋمەتتىك- ەكونوميكالىق ماسەلەلەردى شەشۋ بويىنشا جۇرگىزىپ جاتقان جۇمىستارى مەن اۋداندارداعى ءدىني جاعداي بارىسى جانە وسى باعىتتا اتقارىلىپ جاتقان جۇمىستار تالقىلاندى.
كۇن تارتىبىندەگى نەگىزگى ماسەلە بويىنشا وبلىس اكىمىنىڭ ورىنباسارى ن. نۇركەنوۆتىڭ بايانداماسى تىڭدالدى.
«وبلىس اۋماعىندا 121 مەشىت جۇمىس ىستەيدى، ولاردا بۇگىنگى كۇنى 77 يمام مەن مولدالار ەڭبەك ەتۋدە. 17 مەشىتتە مامان جەتىسپەيدى. وسى سەبەپتەن اۋىلدىق جەرلەردىڭ 6 يمامى 2 جانە ودان دا كوپ مەشىتتەردە ءوز قىزمەتتەرىن جۇزەگە اسىرۋعا ءماجبۇر. بۇگىنگى كۇنى اقمولا وبلىسى ورىس ءتىلدى مولدالار مەن ايەل جاماعاتپەن جۇمىس ىستەيتىن نازىك جاندى ءدىني قىزمەتكەرلەرگە ءزارۋ.
بۇل ماسەلەلەر نۇر- مۇباراك ەگيپەت يسلام مادەنيەتى ۋنيۆەرسيتەتىنىڭ ستۋدەنتتەرىمەن كەلىسىلگەن ءۇش جاقتى مەموراندۋمدار اياسىندا شەشىلۋدە. بۇگىنگى كۇنى اتالمىش وقۋ ورنىنىڭ 14 تۇلەگى ءبىزدىڭ وڭىردە ەڭبەك ەتىپ ءجۇر. ولارعا مەملەكەت تاراپىنان الەۋمەتتىك قولداۋ كورسەتۋ ماسەلەسى دە ءبىزدىڭ نازارىمىزدا.
اتاپ ءوتۋ كەرەك، نۇر- مۇباراك ەگيپەت يسلام مادەنيەتى ۋنيۆەرسيتەتىنىڭ ءۇش ستۋدەنتى اقمولا وبلىسى اكىمىنىڭ اتاۋلى ستيپەندياسىنىڭ يەگەرلەرى»، - دەدى ن. نۇركەنوۆ.
سونداي- اق، جيىندا اۋداندارداعى ءدىني جاعداي تۋرالى جينالعاندارعا ستەپنوگورسك قالاسى جانە سەلينوگراد اۋداندارىنىڭ اكىمدەرى بايانداپ بەردى.
كوميسسيا وتىرىسىنىڭ قورىتىندىسى بويىنشا وبلىس اكىمى تۇرعىنداردىڭ الەۋمەتتىك- ەكونوميكالىق جاعدايىن جاقسارتۋعا باعىتتالعان شارالار مەن ناسيحات جۇمىستارىن تۇراقتى جۇرگىزىپ وتىرۋدى ءارى قاراي جالعاستىرۋ قاجەتتىگىن تاپسىردى.
اۆتور: اسلان وسپانوۆ
