10:32, 20 - قازان 2016 | GMT +5
رەسەي قازاقستانعا قىلمىستىق توپ جەتەكشىسىن ەكستراديسيالايدى
استانا. قازاقپارات - رەسەي فەدەراتسياسىنىڭ باس پروكۋراتۋراسى حالىقارالىق ىزدەۋدە جۇرگەن ەرماحانبەت دىلدابايەۆتى ەلىمىزدىڭ باس پروكۋراتۋراسىنىڭ سۇرانىسى بويىنشا ەكستراديتسيالايتىن بولدى.
دىلدابايەۆتىڭ قىلمىستىق ارەكەتىنەن مەملەكەتكە 4 ميلليارد تەڭگەدەن استام زالال كەلتىرىلگەن. بۇل تۋرالى باس پروكۋراتۋرانىڭ سايتى حابارلادى.
كۇدىكتىنىڭ ۇستىنەن بىرنەشە باپپەن ءىس قوزعالعان. اتاپ ايتساق، جالعان كاسىپكەرلىك، ۇيىمدارعا سالىناتىن سالىقتى جانە بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ، ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ باپتارى بويىنشا تەرگەۋ جۇرگىزىلۋدە.
بۇل قىلمىستىق ۇيىمنىڭ تاعى دا ءبىر مۇشەسى مارات جۇپقازيەۆ وسى جىلدىڭ تامىز ايىندا تايلاندتان قازاقستانعا ەكستراديتسيالانعانىن ايتا كەتۋ كەرەك.
