اقمولادا اداسىپ قالعان اۆستراليالىق ساياحاتشى قۇتقارىلدى
ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلاعانداي، 2016 - جىلى 17 - قازاندا 12 ساعات 38 مينۋتتا جاقسى اۋدانى جاقسى اۋىلىنىڭ №13 ءورت ءسوندىرۋ بولىمىنە بەلگىسىز ازامات نوۆوكيەنكا اۋىلىنىڭ جانىندا شەتەل ازاماتىنىڭ موتوسيكلى سىنىپ، وعان كومەك كەرەك ەكەنىن حابارلاعان.
وقيعا ورنىنا توتەنشە جاعدايلار بويىنشا اۋداندىق ءبولىم مەن ءورت ءسوندىرۋ ءبولىمىنىڭ قىزمەتكەرلەرى شىقتى.
«وقيعا ورنىنا جەتكەندە موتوسيكل تابىلدى. ونىڭ يەسى 1994 -جىلى تۋعان اۆستراليا ازاماتى (ساياحاتشى) ۆيلليام تيموتي بيەرن. ول استاناعا بارا جاتقان، الايدا اۋا رايىنىڭ قولايسىزدىعىنا بايلانىستى اداسىپ، موتوسيكلى سىنعان»، - دەلىنگەن حابارلامادا.
«لۋچ» شارۋا قوجالىعىنىڭ باسشىسى دىچوك بيەرن مەن ونىڭ موتوسيكلىن جاقسى اۋىلىنىڭ №13 ءورت ءسوندىرۋ بولىمىنە جەتكىزدى.
ۆيلليام تيموتي بيەرندى تاماقتاندىرىپ، كيىندىرىپ، بولىمدە تۇنەپ شىعۋعا قالدىردى. سونىمەن قاتار №13 ءورت ءسوندىرۋ ءبولىمىنىڭ جۇرگىزۋشىلەرى شەتەلدىكتىڭ موتوسيكلىن جوندەدى.
18- قازاندا ساياحاتشى استاناعا ساپارىن جالعاستىردى.
