جابىرلەنۋشى سۋۆانوۆ ليليا راحتى جاۋاپكەرشىلىكتەن بوساتۋدى سۇرادى

الماتى. قازاقپارات - وسى ۋاقىتتا الماتى قالاسى المالى اۋداندىق سوتىندا ءوتىپ جاتقان ليليا راحتىڭ ىسىنە قاتىستى الدىن الا سوت تىڭداۋىندا جابىرلەنۋشىنىڭ ادۆوكاتى قورعاۋىنداعى وزبەكستان ازاماتى حامرو سۋۆانوۆتىڭ ل. راحپەن ورتاق كەلىسىمگە كەلگەنىن ايتىپ، وعان قاتىستى قىلمىستىق ءىستى توقتاتۋدى سۇرادى، دەپ حابارلايدى قازاقپارات ءتىلشىسى.

«مەنىڭ قورعاۋىمداعى ح. سۋۆانوۆ ليليا راحقا قاتىستى قىلمىستىق ءىستى توقتاتۋدى سۇرايدى. بۇل ارىزدىڭ قالعان ءۇش ايىپتالۋشىعا قاتىسى جوق»، - دەدى ادۆوكات ەرمەك دەريابين سوت تىڭداۋىندا.

ل. راحتىڭ ادۆوكاتى گاۋحار سالىمبايەۆا ونىڭ كىنالى ەمەستىگىن ايتادى. «ح. سۋۆانوۆ راحقا قاتىستى سوتقا دەيىنگى تەرگەۋ امالدارى كەزىندە ماتەريالدىق تا، مورالدىق تا قويار كىناسى جوق ەكەنىن ايتقان بولاتىن. ونى جابىرلەنۋشىنىڭ ءوزى قىلمىستىق جاۋاپكەرشىلىكتەن بوساتۋدى سۇراپ وتىر»، - دەدى راحتىڭ ادۆوكاتى.

الماتىلىق سانگەر ليليا راحتىڭ ۇستالعانى بۇعان دەيىن حابارلانعان بولاتىن. ول ادام ۇرلادى دەپ ايىپتالۋدا.

ل. راحقا قاتىستى قىلمىستىق ءىس 28 -قىركۇيەكتە المالى اۋداندىق سوتىنا ءتۇستى.

بۇعان دەيىن حابارلانعانداي، 2016 -جىلدىڭ 9 -شىلدەسىندە 33 جاستاعى وزبەكستان ازاماتىنىڭ جوعالىپ كەتكەندىگى تۋرالى پوليتسياعا ارىز تۇسكەن.

كەشەندى تەكسەرۋ شارالارى بارىسىندا ايىپتالۋشىلاردىڭ وزبەكستان ازاماتىن ۇرلاپ، قالاداعى جالدامالى پاتەرلەردىڭ بىرىندە قاماۋدا ۇستاعانى انىقتالدى. پوليتسيا قىزمەتكەرلەرىنىڭ جەدەل ارەكەتىنىڭ ارقاسىندا جابىرلەنۋشى قامالعان مەكەن جاي انىقتالىپ، ول امان- ەسەن بوستاندىققا شىعارىلعان ەدى. وسى ىسكە قاتىسى بار دەگەن كۇدىكپەن ءتورت ادام ۇستالدى. ولار: ليليا راح، ميري پاز، يسلام مەسيروۆ جانە باحىت شالبايەۆ.

ليليا راح، 1962 -جىلى تۋعان. بايەر، Sauvage بۋتيگىنىڭ جانە «ليۋكس» دارەجەلى بىرنەشە دۇكەن يەسى.

اۆتور: الماس مۇقاش ۇلى