رۋسلان كۇلەكبايەۆتىڭ قولىنان قازا تاپقان پوليسەيلەردىڭ اتا- اناسى ءولىم جازاسىن تالاپ ەتتى - فوتو

الماتى. قازاقپارات - بۇگىن الماتىداعى تەرگەۋ اباقتىسىندا رۋسلان كۇلەكبايەۆتىڭ ىسىنە قاتىستى سوت تىڭداۋى ءوتتى، دەپ حابارلادى قازاقپارات ءتىلشىسى.

سوت زالىندا رۋسلان كۇلەكبايەۆتىڭ قولىنان قازا تاپقان پوليسەي مەيرامبەك راحماتۋللايەۆتىڭ اناسى ايگۇل تاناعۇلوۆا ءولىم جازاسىن تالاپ ەتتى.

«مەن ۇلىمنان عانا ەمەس، دەنساۋلىعىمنان دا ايىرىلدىم. مۇنداي ادامدى حالىقتىڭ الدىنا شىعارىپ اتۋ كەرەك. اتۋ جازاسى تەك قانا اتۋ جازاسى بەرىلسىن»، - دەدى ايگۇل تاناعۇلوۆا.

ەسكە سالا كەتەيىك، 18- شىلدە كۇنى الماتىداعى لاڭكەستىك وقيعادان رۋسلان كۇلەكبايەۆتىڭ قولىنان اۋىر جارالانعان پوليتسيا قىزمەتكەرى مەيرامبەك راحماتۋللايەۆ اۋرۋحانادا 1 - تامىز كۇنى كوز جۇمعان بولاتىن.

پوليتسيا لەيتەنانتى راحماتۋللايەۆ مەيرامبەك نۇريديللا ۇلى 1992 - جىلى تۋعان، المالى اۋداندىق ءى ءى ب- ءنىڭ ۋچاسكەلىك ينسپەكتورى، ىشكى ىستەر ورگاندارىندا 2012 -جىلدان بەرى قىزمەت ىستەپ كەلەدى. ۇيلەنگەن.

ر. كۇلەكبايەۆقا ناتيجەسى 8 قۇقىق قورعاۋ جانە ارنايى ورگانداردىڭ قىزمەتكەرلەرىنىڭ جانە 2 بەيبىت تۇرعىننىڭ ولىمىنە الىپ كەلگەن تەرروريستىك اكت جاسادى دەگەن ايىپ تاعىلدى. سونىمەن قاتار ول 3 بەيبىت تۇرعىندى ولتىرمەك بولدى دەپ ايىپتالىپ وتىر.

اۆتور: الماس مۇقاش ۇلى