قازاق- قىرعىزدىڭ قۇدالىعى تۋرالى فيلم حالىقارالىق فەستيۆالگە قاتىسادى
دەپ حابارلادى رەجيسسەر نۇرلان ءابدىقادىروۆقا سىلتەمە جاساپ AkiPress.
رەجيسسەر نۇرلان ءابدىقادىروۆ كينوفەستيۆالعا قاتىسۋشى رەتىندە شاقىرىلدى. ونىڭ فيلمى بايقاۋ باعدارلاماسىنا قاتىسۋ ءۇشىن تاڭدالدى.
«كۇمىس اقبوزات» كيونفەستيۆالى 26-28 - قازاندا ۋفادا وتەدى. شارانىڭ نەگىزگى ماقساتى - الەم حالىقتارىنىڭ رۋحاني، مادەني قۇندىلىقتارىن ناسيحاتتاۋ، ۇلتتىق جانە ەتنيكالىق باعىتتا فيلم تۇسىرەتىن كينوماتوگرافيستەر شىعارماشىلىعىن تاراتۋ. بايقاۋ باعدارلاماسىنا تولىق مەتراجدى، قىسقا مەتراجدى قويىلىم جانە دەرەكتى فيلمدەر قاتىسادى.
قىرعىزستانداعى اۋىلدىڭ كەدەي وتباسى قازاقستاندا باي وتباسىمەن قۇداندال بولۋدى ارمانداپ، تاۋ وتكەلى ارقىلى الماتىعا قالىڭدىق ايتتىرىپ كەلەدى. شەكارادان زاڭسىز وتپەك بولعاندا ۇستالعان ولار مامىلەگە كەلىپ، مينا سالىنعان جاشىكتى الماتىعا جەتكىزۋگە كەلىسەدى.
