قازاقستاننىڭ بارلىق ايماقتارىندا ينسۋلت ورتالىقتارى اشىلادى

استانا. قازاقپارات - قازاقستاننىڭ ءاربىر وبلىسىندا ينسۋلت ورتالىقتارىن اشۋ كوزدەلىپ وتىر، دەپ حابارلادى «نەيرو حيرۋرگيا ۇلتتىق ورتالىعى» ا ق باسقارما ءتوراعاسى، ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ شتاتتان تىس نەيروحيرۋرگى سەرىك اقشولاقوۆ.

 ق ر دەنساۋلىق ساقتاۋ جانە الەۋمەتتىك دامۋ مينيسترلىگى جۋرناليستەر ءۇشىن قازىرگى زامانعى مەديتسينالىق ورتالىققا پرەسس- تۋر ۇيىمداستىردى. وندا ماماندار ورتالىقتا جاسالاتىن وپەراتسيالار مەن يننوۆاتسيالار جونىندە ايتىپ بەردى.

 ناقتىراق ايتقاندا، سەرىك اقشولاقوۆ ادامدار اراسىندا كەڭ تاراعان ارۋلاردىڭ ءبىرى ينسۋلت بولىپ تابىلاتىندىعىن ايتتى. بۇل اۋرۋمەن اۋىرعان ادامدار 90 پايىز جاعدايدا ومىرىمەن قوش ايتىسادى نە مۇگەدەك بولىپ قالادى. بۇگىن وسىنداي جاعدايدىڭ الدىن الۋ ءۇشىن ارنايى حيرۋرگيالىق وپەراتسيالار جاسالادى.

«ءبىز جىل سايىن 2,3 مىڭعا جۋىق جوسپارلى وپەراتسيالار جاسايمىز. ولاردىڭ شامامەن 60-70 پايىزىندا جاڭا تەحنولوگيالار قولدانىلادى. 400 وپەراتسيا تەك ادام ميىنىڭ قان تامىرلارى اۋرۋلارىنا بايلانىستى جاسالادى. بۇل ينسۋلتقا الىپ كەلۋى مۇمكىن پاتولوگيالار. ءبىز ولاردى حيرۋرگيالىق الدىن الۋ دەپ ايتامىز»، - دەيدى سەرىك اقشولاقوۆ.

 مۇنداي وپەراتسيالار مەملەكەت ءۇشىن 3 ميلليون تەڭگە تۇرادى. شەت مەملەكەتتەرد ونى 60-150 مىڭ ا ق ش دوللارىنا جاسايدى. ورتالىق ازيادا مۇنداي حيرۋرگيالىق وپەراتسيالاردى تەك قازاقستاندا جاسايدى. سول سەبەپتى دە مۇندا قىرعىزستان، وزبەكستان، تاجىكستان سياقتى مەملەكەتتەردەن ءتىپتى رەسەيدەن دە ناۋقاستار كەلىپ جاتادى.

ايتا كەتەتىن ماسەلە - ورتالىق ىسكە قوسىلعان 8 جىل ىشىندە بۇل جەردە 150 شەتەلدىك ەمدەلگەن.