ەنشتەين نەگە ءتىلىن كورسەتتى؟

 استانا. قازاقپارات - عالامنىڭ كوپ بولىگى البەرت ەنشتەيندى عۇلاما عالىم رەتىندە قابىلدايدى. مۇنداي وي ونىڭ اقىل- پاراساتتىلىعىنىڭ جوعارىلىعىنىڭ ارقاسىندا قالىپتاسقان.

ءومىرىنىڭ بارلىعىن فيزيكا ىلىمىنە ارناعان ەرەكشە جان كوپ ادامنىڭ كوزىنە قارپايىمدىلىعىمەن قالدى. ءاربىر ۋاقىتتا ويلانىپ جاڭا دۇنيەنى اشۋعا قۇلشىنىپ جۇرەتىن عالىم ءوزىنىڭ سۇيكىمدى قالپىندا ماڭگى ادامزات بالاسىنىڭ جادىندا قالدى. دەسەك تە، بۇل دۇنيەگە كەلگەن ءاربىر پەندە قاتارداعى جۇرت سەكىلدى ويناپ- كۇلىپ جۇرەتىنىن دە ەستەن شىعارمايىق. ءبىر سوزبەن ايتقاندا ەنشتەين ءوزى تۋرالى قالىپتاسقان قاعيدانى بۇزۋعا تالپىنعان.

1952 -جىلى 14 - ناۋرىز كۇنى البەرت ەنشتەين ءوزىنىڭ جەتپىس ەكى جاسىندا ەستەلىك سۋرەتكە تۇسۋگە فوتوگرافتى ۇيىنە شاقىرعان. وتباسىمەن سۋرەتكە ءتۇسۋ كەزىندە الگى فوتوشەبەردىڭ عالىمعا ءوزىن سالماقتى ۇستاۋدى وتىنگەن. قايتكەنمەن دە ۇلى ادامنىڭ يميدجىن دۇرىس ساقتاۋ ماقساتىندا. الايدا، "اشۋلى عۇلاما" دەگەن ستەرەوتيپتى بۇزۋ ءۇشىن ءتىلىن شىعارىپ تۇرا سالعان. ول ۋاقىتتا قازىرگىدەي ءبىر كورىپ ءوشىرۋ دەگەن بولماعاندىقتان، سۋرەت سولاي كەتىپ قالعان. ەنشتەيننىڭ وزىنە بۇل فوتو ۇناماعان. ءبىراق، جاقىندارىن جاڭا جىل مەرەكەسىمەن قۇتتىقتاۋ ءۇشىن وسى ءبىر قىزىقتى فوتوعا ەستەلىك تىلەك جازىپ جىبەرگەن. الەم بويىنشى وسى ءبىر عاجاپ سۋرەتتىڭ 9 عانا ءتۇپنۇسقا كۇيىندەگى داناسى بار. سونىڭ بىرەۋى 2009 -جىلى 74000 دوللارعا ساتىلعان.

massaget.kz