قاشاعاننان العاشقى مۇناي پارتياسى ەكسپورتقا جىبەرىلدى
بۇل تۋرالى ق ر ەنەرگەتيكا مينيسترلىگىنىڭ باسپا ءسوز قىزمەتى حابارلادى.
سونىمەن قاتار «قازترانسويل» ا ق قۇبىرلىق جۇيەسىنە 18800 توننا ەكسپورتقا شىعارىلاتىن مۇنايدىڭ پارتياسى جونەلتىلدى، ال «ينتەرگاز سەنترالنايا ازيا» ا ق ماگيسترالدى جۇيەسىنە 22,8 ميلليون تەكشە مەتر تاۋارلىق گاز بەرىلدى.
2016 -جىلدىڭ 28 -قىركۇيەگىندە سولتۇستىك كاسپي كونسورتسيۋمى تەڭىزدەگى جانە جەر ءۇستى كەشەنىندەگى جابدىقتاردى تەستىلەۋ جانە ىسكە قوسۋ- باپتاۋ جۇمىستارىنا كىرىستى.
«ا» ارالىنىڭ بىرنەشە ۇڭعىمالارى اشىلدى. تەڭىز كەشەنى جابدىعىنىڭ جۇمىسىن تۇراقتاندىرعان سوڭ، مۇناي جانە گاز «بولاشاق» زاۋىتىنا كەلىپ ءتۇستى.
قازىرگى ۋاقىتتا تەڭىزدەگى جانە جەر ءۇستى كەشەنىندەگى جابدىقتاردى ىسكە قوسۋ- باپتاۋ، باقىلاۋ- ولشەۋ اسپاپتارىن جانە تەحنولوگيالىق پروتسەستەردى باسقارۋدىڭ اۆتوماتتى جۇيەلەرىن تەستىلەۋ جالعاستىرىلۋدا. تۇراقتى جۇمىس رەجيمىنە شىعۋ ءبىرشاما ۋاقىتتى قاجەت ەتەدى.
