نۇرلان ەرمەكبايەۆ «يفتار»، «ماشاللا» سىندى كىرمە سوزدەردى پايدالانباۋعا كەڭەس بەردى
بۇل تۋرالى ورتالىق كوممۋنيكاتسيالار قىزمەتىندەگى بريفينگتە ەلىمىزدىڭ ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ءمالىم ەتتى،
دەپ حابارلايدى قازاقپارات.
«ءبىزدىڭ ويىمىزشا تەرىس ءدىني يدەولوگياعا ءوزىمىزدىڭ قازاقى ۇلتتىق مادەنيەتىمىزبەن جانە قازاقستاندا تۇرىپ جاتقان ەتنوستاردىڭ داستۇرلەرى مەن مادەنيەتىمەن، رۋحاني قۇندىلىقتارىمەن تويتارىس بەرە الامىز. ەجەلگى زاماننان بەرى اتا- بابامىزدان جالعاسىن تاۋىپ كەلە جاتقان ءداستۇرىمىز، ءوزىمىزدىڭ مادەنيەتىمىز، قازاقستاندا تۇرىپ جاتقان باسقا ەتنوستاردىڭ دا سالت- داستۇرلەرى مەن مادەنيەتتەرى بار. وسىعان بايلانىستى ءبىزدىڭ ۇلتتىق ءداستۇرلى مادەنيەتىمىزگە، ادەت- عۇرىپتارىمىزعا قايشى كەلەتىن قايداعى ءبىر شەتەلدەن كەلىپ جاتقان يدەولوگيانى نەمەسە داستۇرلەردى الۋ قيسىنسىز دەپ سانايمىز»، - دەدى مينيستر.
سونىمەن قاتار ول قازاق ءتىلى وتە باي ەكەندىگىن باسا اتاپ وتە كەلە، قازىرگى ۋاقىتتا كوپتەگەن ازاماتتاردىڭ كىرمە سوزدەردى قولدانۋدى ادەتكە اينالدىرعانىن سىناپ ءوتتى.
«بۇگىندە جەكەلەگەن ازاماتتار ءوزىمىزدىڭ تىلىمىزدە ورنىققان سوزدەردىڭ ورنىنا كىرمە سوزدەردى پايدالاناتىنىنا تاڭعالامىز. مىسال ءۇشىن، ءبىزدىڭ انا تىلىمىزدەگى بايىرعى اۋىز اشاردىڭ ورنىنا يفتار، ال «قۇداي قالاسانىڭ» ورنىنان «ماشاللا» دەپ ايتۋدىڭ ەشقانداي قاجەتى جوق دەپ ويلايمىز. قىسقا ايتقاندا، تەرىس جانە راديكالدى جات يدەولوگياعا قازاقستاننىڭ بارلىق ۇلتتارىنىڭ ءداستۇرلى مادەنيەتىمەن، رۋحاني قۇندىلىقتارىمەن تويتارىس بەرە الامىز دەپ سەنەمىز»، - دەدى ەرمەكبايەۆ.
اۆتور: مارلان جيەمباي
