تايلاند كورولى دۇنيەدەن وزدى

استانا. قازاقپارات - تايلاند كورولى پحۋميپون ادۋليادەت 89 جاسىندا دۇنيە سالدى. ول الەمدەگى ەڭ ۇزاق بيلىك جۇرگىزگەن پاتشالاردىڭ ءبىرى سانالادى.

دارىگەرلەر سوڭعى جىلدارى دەنساۋلىعى سىر بەرگەن ساياساتكەرگە 2014 -جىلى وتا جاساپ، ءوت قابىن الىپ تاستاعان ەدى. ال بيىل جازدا جۇرەگىنە وتا جاسالعان.

پحۋميپون ادۋليادەت (راما IX اتىمەن بەلگىلى) 1946 - جىلدىڭ 9- ماۋسىمىندا تاققا وتىرعان.

تايلاندا كورول بيلىك وكىلەتىنە يە بولماسا دا، حالىق ونى تۇراقتىلىق سيمۆولى رەتىندە ءپىر تۇتادى. پاتشاعا نەمەسە ونىڭ جاقىندارىنا ءتىل تيگىزۋ قىلمىستىق قۋادالاۋعا سوقتىرۋى مۇمكىن. مىسالعا، وتكەن جىلى جەرگىلىكتى تۇرعىن facebook جەلىسىندە پاتشاعا ءسوز تيگىزگەنى ءۇشىن 30 جىلعا باس بوستاندىعىنان ايىرىلعان بولاتىن.

دەرەككوز: BBC