باس پروكۋرور ۇلەسكەرلەردى الداعان تايجانوۆتى سيپاتتاپ بەردى
قۇقىقتىق قورعاۋ دەپارتامەنتىنىڭ باسشىسى مارات سەكسەمبايەۆتىڭ سوزىنە قاراعاندا، «ازبۋكا جيليا» كومپانيالار توبىنىڭ باسشىسى ەرقانات تايجانوۆ 3123 ادامدى الداپ كەتتى، بۇل ەلوردادا پروبلەماعا تاپ بولعان ۇلەسكەردىڭ جارتىسى.
اۆستريادا ە. تايجانوۆ تۇتقىندالعانىمەن، الايدا ونى ەلگە قايتارۋ جۇمىستارى ۇزاققا سوزىلىپ وتىر.
«سوندىقتان نەگىزگى ءىس بويىنشا تەرگەۋ امالدارى ازىرگە توقتاپ تۇر. ارينە، تايجانوۆ بۇل قىلمىستى ءوزى جالعىز جاساعان جوق»، - دەدى ول.
ءوز كەزەگىندە ق ر باس پروكۋرورى جاقىپ اسانوۆ بۇل ىسكە بايلانىستى جەكە توقتالدى.
«قۇرمەتتى دەپۋتاتتار، كوپتەگەن قىلمىستىق ىستەردى ءبىز سوڭىنا دەيىن جەتكىزبەي جاتىرمىز دەپ سىنعا الىپ جاتاسىزدار. تايجانوۆقا قاتىستى وقيعا ناعىز سوراقىلىق. وسى ادامنىڭ كىناسىن دالەلدەۋ ءۇشىن 900 توم جينادىق، بۇل ءوز كەزەگىندە 16 مىڭ پاراق قۇجاتقا تەڭ. وسىعان پوليتسيا مەن پروكۋراتۋرا كوپ كۇش جۇمسادى. جۇزدەگەن ساراپتامالار قامتىلدى»، - دەدى ج. اسانوۆ.
وسى رەتتە ول ە. تايجانوۆتى كادىمگى قىلمىسكەر، الاياق ادام دەپ سيپاتتادى. «ەگەر بۇل قارجىنى دوللارعا شاقساق، 42 ميلليون دوللاردى جىمقىرىپ، اۆستريادا بوي تاسالادى. ول قازىر بۇل ەلدە ءۇيقاماقتا وتىر. وسى باعىتتا ءتيىستى جۇمىستار اتقارىلۋدا جانە ناتيجە بولعاندا حابارىن بەرەمىز»، - دەدى باس پروكۋرور.
