ەلىمىزدە جول اپاتى كوپ بولعان جىل جاريا ەتىلدى
ەگەر 2014 -جىلى ج ك و سانى 13 پايىز (20,3 مىڭعا دەيىن)، قازا بولعان ازاماتتار سانى 15 پايىز ( 2,5 مىڭعا دەيىن) جانە جاراقات العاندار سانى 13 پايىز (25,9 مىڭ)، 2015 -جىلى ولاردىڭ سانى تيىسىنشە 7 پايىز (18,8 مىڭعا دەيىن)، 5 پايىز (2585 تەن 2453 كە دەيىن) جانە 7 پايىز (25942 دەن 24055 كە دەيىن) تومەندەدى.
وسىنداي ءۇردىس اعىمداعى جىلى دا بايقالىپ وتىر. ج ك و سانىنىڭ تومەندەۋى 5 پايىز (13 مىڭعا دەيىن) ، ونىڭ ىشىندە قازا بولعاندار سانى 4,3 پايىز ( 1,7 مىڭ) جانە جاراقات العاندار 3 پايىز (16,9 مىڭعا دەيىن) قىسقاردى.
ەل ىشىندەگى اپاتتاردىڭ تومەندەۋىنە 2014 -جىلى «جول ءجۇرىسى تۋرالى» زاڭنىڭ قابىلدانۋى وڭ ىقپال ەتتى، دەپ اتاپ ءوتتى ق ر ءى ءى م باسپا ءسوز قىزمەتى.
جالپى «جول ءجۇرىسى تۋرالى» جاڭا زاڭدى ىسكە اسىرۋ جول قوزعالىسى سالاسىنا تارتىلاتىن بارلىق سۋبەكتىلەردىڭ اراسىندا جاۋاپكەرشىلىك شەكاراسىن انىق اجىراتىلۋىنا مۇمكىندىك بەردى.
ءى ءى م- دە اتاپ وتكەندەي، وسى زاڭدى قابىلداعانعا دەيىن رەسپۋبليكادا اپاتتىلىق جاعدايدىڭ ۇدەۋى بايقالعان بولاتىن. ەڭ كوپ اپاتتى جاعداي 2013 -جىلى تىركەلگەن، وندا جول- كولىك وقيعالارىنىڭ سانى 65 پايىز (23,3 مىڭ ج ك و)، ونىڭ ىشىندە قازا بولعاندار سانى 0,5 پايىز (3 مىڭ) جانە جارالانعاندار سانى 71 پايىز (29,8 مىڭ) كوبەيگەن.
