الماتىدا «التىن جۇرەك» سىيلىعىنىڭ لاۋرەاتتارى انىقتالدى - فوتو

الماتى. قازاقپارات - الماتىدا ءادىل قازى مۇشەلەرىنەن قۇرالعان قوعامدىق كەڭەس «التىن جۇرەك» سىيلىعىنىڭ لاۋرەاتتارىن انىقتادى، دەپ حابارلايدى «قازاقپارات» ءتىلشىسى.

الماتى قالاسى اكىمدىگىنىڭ جانە «نۇر وتان» پارتياسىنىڭ قولداۋىمەن شارانى ۇيىمداستىرىپ وتىرعان «باۋىرجان» قايىرىمدىلىق قورى جىل بويى «التىن جۇرەك» يەلەرىن ىزدەگەنىن جەتكىزدى.

ايتا كەتەيىك، «التىن جۇرەك» قايىرىمدىلىق سىيلىعى بيىل ءوزىنىڭ 10 جىلدىق مەرەيتويىن دا اتاپ وتپەك. ال، بيىلعى جىلى «التىن جۇرەك» سىيلىعىنا 181 ءوتىنىش، ونىڭ 100 گە جۋىعى جەكە تۇلعالاردان كەلىپ تۇسكەن.

قوعامدىق كەڭەس مۇشەلەرى قاتارىندا ق ر تانىمال قوعام قايراتكەرلەرى، مادەنيەت قايراتكەرلەرى مەن اكتريسالار بار، اتاپ ايتقاندا: سالتانات قاليەۆا، پروديۋسەر نۇرتاس ادامباي، قوعام قايراتكەرى مۇحتار تايجان، تەلەجۇرگىزۋشى، ديكتور مادينا بالعابايەۆا كەڭەس مۇشەلىگىنە ەندى.

قوعامدىق كەڭەس ءار اتالىم بويىنشا 3 نومينانتتان ىرىكتەپ الدى.

«جەتىم بالالارعا كومەك» اتالىمى بويىنشا: رادا حايرۋشەۆا (ورال)، ەكاتەرينا ياسەنكو (ەكىباستۇز)، ساعادات ابىشەۆا (قاراعاندى وبلىسى).

«ءبىلىمدى دامىتۋعا قوسقان ۇلەسى ءۇشىن» اتالىمى بويىنشا: مۇرات ءادىلحانوۆ (الماتى)، اباي نوعايەۆ (شالقار)، نيكون كيم (شۋ).

«مۇگەدەكتەرگە كومەك» اتالىمى بويىنشا: دانيار ەلەۋسىنوۆ (استانا)، ءبىرجان قۋجاكوۆ (ورال)، دۇيسەنعالي وسپانوۆ (قوستاناي).

«سپورتتى دامىتۋعا قولداۋ كورسەتكەنى ءۇشىن» اتالىمى بويىنشا: جاقسىلىق ۇشكەمپىروۆ (قىزىلوردا)، شۋحرات دانباي (پاۆلودار)، «وليمپ» اسكەري- پاتريوتتىق كلۋبى (قوستاناي وبلىسى).

«ارداگەرلەرگە قامقورلىق» اتالىمى بويىنشا: كۇلاش سارسەمبايەۆا (الماتى)، «سەسنابانك» ا ق، جانار بۇركىتبايەۆا (تاراز).

«جىل مەسەناتى»: گۇلنار ابدىكارىموۆا (استانا)، «Samsung Electronics Central Eurasia» كومپانياسى، ازات اكىمبەك (الماتى).

«جىلدىڭ قايىرىمدىسى»: گۇلميرا ابدىراشيەۆا (استانا)، راسيما تەمەربايەۆا (الماتى)، تەمىرلان ءشاينۇسىپوۆ (الماتى وبلىسى).

«جىل ۇيىمى»: «ەۆرازيچ توبى» ج ش س، «سبەربانك» ا ق، «Metal Prom Group» ج ش س.

 

«دەنساۋلىق سالاسىنا قوسقان ۇلەسى ءۇشىن»: ۇلمەكەن قوجاسوۆا (قاراعاندى وبلىسى)، نياز سۇندەتاليەۆ (قاراعاندى)، ارمان قاسىموۆ (اتىراۋ).

«قازاقستاننىڭ دامۋىنا قوسقان ۇلەسى ءۇشىن»: فيونا كوركوران (يرلانديا)، سۋحەيل ماتار الكەتبي (ب ا ءا)، اننا ۆەربينا (رەسەي).

«التىن جۇرەك» ۇلتتىق سىيلىعىنىڭ جەڭىمپازدارىن سالتاناتتى تۇردە ماراپاتتاۋ شاراسى 27 -قازان كۇنى اباي اتىنداعى مەملەكەتتىك اكادەميالىق وپەرا جانە بالەت تەاترىندا وتەدى.

 

ۇيىمداستىرۋشىلار كوميتەتىنىڭ مالىمەتتەرى بويىنشا، 2015-2016 -جىلدار ىشىندە قازاقستان بويىنشا 15,8 ميلليارد تەڭگەنىڭ قايىرىمدىلىق كومەگى كورسەتىلگەن.

9 سپورت مەكتەبى، 5 بالاباقشا، 10 جالپى ءبىلىم بەرەتىن مەكتەرگە جوندەۋ جۇمىستارى جۇرگىزىلدى. 3 مۇگەدەك بالالارعا ارنالعان مامانداندىرىلعان بالاباقشا سالىندى.

500 دەن استام جەتىم بالالار جازعى دەمالىستارىندا ءتۇرلى دەمالىس لاگەرلەرىنە بارۋعا جولداما الدى.

دەمەۋشىلەر ارقاسىندا 10 كومپيۋتەرلىك سىنىپتار مەن 8 اۋرۋحانا جابدىقتالدى.

جاعدايلارى تومەن 900 گە تارتا بالا مەكتەپكە قاجەتتى قۇرالدارمەن قامتاماسىز ەتىلدى. ۇلى وتان سوعىسىنىڭ 20 ارداگەرىنىڭ ۇيلەرىنە جوندەۋ جۇمىسى جۇرگىزىلدى. 400 تىل ارداگەرلەرى مەن سوعىس ارداگەرلەرى قارجىلاي كومەك الدى.

اۆتور: الماس مۇقاش ۇلى