ا ي ب ا ريو وليمپياداسىنىڭ بارلىق تورەشىلەرىن شەتتەتتى
مۇنداي اقپارات ا ي ب ا- نىڭ رەسمي سايتىندا جاريالاندى، دەپ حابارلايدى قازاقپارات.
تاراتىلعان اقپاراتقا قاراعاندا، 3-5 -قازان كۇندەرى شۆەيتساريانىڭ لوزاننا قالاسىندا ۇيىم باسشىلىعىنىڭ كەزدەسۋى وتكەن. «تەكسەرۋ اياقتالعانعا دەيىن ۇيىم قامقورلىعىمەن وتەتىن بۇكىل تۋرنيردەن بارلىق 36 سۋديانى ۋاقىتشا شەتتەتۋ تۋرالى شەشىم قابىلداندى»، - دەلىنگەن ا ي ب ا حابارلاماسىندا.
سونىمەن، ۋاقىتشا تورەلىك جاساۋدان شەتەتىلگەن تورەشىلەر اراسىندا قازاقستاندىق راحىمجان رىسبايەۆتىڭ بار ەكەندىگىن ايتا كەتەيىك. مۇنان بولەك، بۇل قاتاردا قازاقستاندىق جانكۇيەرلەردىڭ ەسىندە ريو وليمپياداسى كەزىندەگى جەكپە- جەكتەرگە ءادىل تورەلىك جاساي الماۋىمەن قالعان الجيرلىك حەيرا سيدي ياكۋبتا بار. ءدال وسى تورەشى 91 كەلىگە دەيىنگى سالماق ساناتىنداعى بوكسشىلاردىڭ فينالدىق كەزدەسۋىنە قىزمەت كورسەتىپ، ايقىن باسىمدىقپەن جەڭىپ تۇرعان قازاقستان بوكسشىسى ۆاسيلي لەۆيتتى رەسەيلىك ەۆگەني تيشەنكوعا جىعىپ بەرگەن ەدى.
