قازاقستاندا قورعانىس جانە اەروعارىش ونەركاسىبى مينيسترلىگى قۇرىلدى
بۇل تۋرالى اقوردانىڭ باسپا ءسوز قىزمەتىنەن حابارلاندى.
***
قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگىن قۇرۋ تۋرالى
قازاقستان رەسپۋبليكاسى كونستيتۋتسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىن جاڭعىرتۋ جانە ونىڭ تيىمدىلىگىن ارتتىرۋ ماقساتىندا
قاۋلى ەتەمىن:
1. قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى (بۇدان ءارى - مينيسترلىك) قۇرىلسىن.
قورعانىس، اەروعارىش ونەركاسىبى جانە ەلەكتروندىق ونەركاسىپ، اقپاراتتاندىرۋ جانە بايلانىس سالاسىنداعى اقپاراتتىق قاۋىپسىزدىك (كيبەرقاۋىپسىزدىك)، جۇمىلدىرۋ دايارلىعى جانە جۇمىلدىرۋ سالاسىنداعى مەملەكەتتىك ساياساتتى ىسكە اسىرۋ، مەملەكەتتىك ماتەريالدىق رەزەرۆتى قالىپتاستىرۋ جانە دامىتۋ، ءبىرىڭعاي اسكەري- تەحنيكالىق ساياساتتى جانە اسكەري- تەحنيكالىق ىنتىماقتاستىقتى جۇرگىزۋگە قاتىسۋ، قورعانىستىق تاپسىرىستى قالىپتاستىرۋ، ورنالاستىرۋ جانە ورىنداۋ سالاسىنداعى باسشىلىق مينيسترلىك قىزمەتىنىڭ نەگىزگى باعىتتارى بولىپ ايقىندالسىن.
جاڭادان قۇرىلعان مينيسترلىككە:
قازاقستان رەسپۋبليكاسىنىڭ قورعانىس مينيسترلىگىنەن - قورعانىس ونەركاسىبى سالاسىنداعى؛
قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنەن - عارىش قىزمەتى سالاسىنداعى؛
قازاقستان رەسپۋبليكاسىنىڭ ۇلتتىق ەكونوميكا مينيسترلىگىنەن - جۇمىلدىرۋ دايارلىعى جانە جۇمىلدىرۋ، مەملەكەتتىك ماتەريالدىق رەزەرۆتى قالىپتاستىرۋ جانە دامىتۋ سالاسىنداعى؛
قازاقستان رەسپۋبليكاسى پرەمەر- ءمينيسترىنىڭ كەڭسەسىنەن - اقپاراتتىق قاۋىپسىزدىكتى قامتاماسىز ەتۋ جانە قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگىنەن اقپاراتتاندىرۋ جانە بايلانىس سالاسىنداعى اقپاراتتىق قاۋىپسىزدىكتى قامتاماسىز ەتۋ سالاسىنداعى فۋنكتسيالار مەن وكىلەتتىكتەر بەرىلسىن.
2. قازاقستان رەسپۋبليكاسىنىڭ ۇكىمەتى:
1) قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتىن، اەروعارىش كوميتەتىن جانە مەملەكەتتىك ماتەريالدىق رەزەرۆتەر كوميتەتىن قۇرۋدى؛
2) وسى جارلىقتان تۋىندايتىن وزگە دە شارالار قابىلداۋدى قامتاماسىز ەتسىن.
3. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 -جىلعى 22 قاڭتارداعى № 6 -جارلىعىنا مىناداي تولىقتىرۋ ەنگىزىلسىن:
1-تارماقتا:
«قازاقستان رەسپۋبليكاسىنىڭ قورعانىس مينيسترلىگى؛» دەگەن جولدان كەيىن مىناداي مازمۇنداعى جولمەن تولىقتىرىلسىن:
«قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى؛».
4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازاربايەۆ
استانا، اقوردا، 2016 -جىلعى 6 -قازان
№ 350
