قىرعىزستاندا ايەلدەر اراسىنداعى جەكپە-جەكتە ءبىرىنشى قازاق سپورتشىسى ونەر كورسەتەدى
بۇل تۋرالى ۇيىمداستىرۋشىلار - «جاش-كۋچ» ەرجۇرەكتەر كلۋبى حابارلايدى.
«15 -قازان كۇنى بىشكەكتەگى كوجومكۋلوۆ اتىنداعى سپورت سارايىندا قازاقستاندىق سپورتشى اقبوبەك ەرعاليەۆا مەن قىرعىزستاندىق بارچىناي ۋزگەنبايەۆا اراسىندا جەكپە-جەك وتەدى. بۇل ارالاس جەكپە-جەك ونەرىنىڭ جارىسى قىرعىزستاندا العاش رەت ايەلدەر اراسىندا ۇيىمداستىرىلۋدا»، - دەيدى ۇيىمداستىرۋشىلار.
«ەكى سپورتشى دا وتە تاجىريبەلى. قازاقستاندىق سپورتشى اقبوبەك پانكراتيون بويىنشا ازيا چەمپيونى، گرەپپلينگ بويىنشا قازاقستان چەمپيونى. ءوز كەزەگىندە بارچىناي - جەكپە-جەكتەن بويىنشا قىرعىزستان چەمپيونى، سامبو بويىنشا ازيا جۇلدەگەرى»، - دەپ اتاپ ءوتتى ۇيىمداستىرۋشىلار.
تۋرنيردىڭ بارلىق ناتيجەلەرى الەمگە تانىمال sherdog.com پورتالىنا جازىلىپ وتىرادى. بۇل پورتالدا UFC، PRIDE، ONE FC، Bellator سەكىلدى الەمدىك ۇيىمداردىڭ رەسمي تىزىمدەرى جاريالانادى.
تۋرنير اياسىندا قازاقستان، قىرعىزستان، رەسەي، تاجىكستان، وزبەكستان، برازيليا، تۇركيا گرۋزيا جانە وسەتيا سپورتشىلارى قاتىساتىن 14 كەزدەسۋ وتەدى.
ايتا كەتەيىك، JFC Fight Night - JFC پروموۋتەرلىك كومپانياسىنىڭ ۇيىمداستىرۋىمەن جىل سايىن وتەتىن م م ا - حالىقارالىق تۋرنير. كومپانيا 2015 -جىلدان بەرى جىل سايىن حالىقارالىق جانە الەمدىك دەڭگەيدەگى تۋرنيرلەر وتكىزىپ تۇرادى.
