ەۋرازيالىق ەكونوميكالىق وداق وڭتۇستىك كورەيامەن ەركىن ساۋدا ايماعىن قۇرۋ ماسەلەسىن تالقىلاۋدا
«كوممەرسانت» گازەتىنىڭ حابارلاۋىنشا، بۇل ەركىن ساۋدا ايماعىنىڭ بولجامدى پايداسى رەسمي كونسۋلتاتسيالار ءۇشىن پايدالانىلماق.
«قازىر رەسەيدىڭ كورەياعا شىعاراتىن ەكسپورتى (كوبىنەسە، شيكىزات) يمپورتتان كوپ، ءبىراق، ولاردىڭ قۇرىلىمى بىردەي ەمەس، كوبىنەسە ماشينا قۇراستىرۋ ونىمدەرى ەنەدى ەكەن. ال، كىشىگىرىم سەكتورلار ەركىن ساۋدا ايماعىنان شىعىپ قالۋى مۇمكىن، دەيدى كەلىسسوز جۇرگىزگەندەر. ءبىراق، كەلىسىم اسىرەسە كەمە جاساۋ جانە اۆتوونەركاسىپ سالالارىنا شەتەلدىك ينۆەستيتسيا تارتۋعا مۇمكىندىك بەرەدى»، - دەپ جازعان باسىلىم.
«Ъ» گازەتىنىڭ حابارلاۋىنشا، ەۋرازيالىق ەكونوميكالىق وداق پەن وڭتۇستىك كورەيا ەركىن ساۋدا ايماعىن قۇرۋ جونىندەگى ماسەلەنى زەرتتەپ ءبىتتى (زەرتتەۋدى بۇكىل رەسەيلىك سىرتقى ساۋدا اكادەمياسى مەن وڭتۇستىك كورەيانىڭ ەكونوميكالىق ساياسات جونىندەگى ينستيتۋتى جۇرگىزگەن بولاتىن). كەشە ماسكەۋدە ەۋرازيالىق ەكونوميكالىق كوميسسيانىڭ ساۋدا جونىندەگى ءمينيسترى ۆەرونيكا نيكيشينا مەن وڭتۇستىك كورەيانىڭ ونەركاسىپ، ساۋدا جانە ەنەرگەتيكا جونىندەگى ءمينيسترىنىڭ ورىنباسارى حاك دو كيم وسى زەرتتەۋدىڭ قورىتىندىسىن تالقىلادى.
وڭتۇستىك كورەيا رەسەيگە ەركىن ساۋدا ايماعىن قۇرۋ تۋرالى ۇسىنىسىن 2010 -جىلى ايتقان بولاتىن، ءبىراق، بۇل پروتسەسس رەسەيدىڭ دۇنيەجۇزىلىك ساۋدا ۇيىمىنا قوسىلۋ نيەتىنە بايلانىستى توقتاپ قالعان ەدى. كەشە وتكەن رەسەي- كورەيا بيزنەس فورۋمىنىڭ قورىتىندىسىنا سۇيەنسەك، ەندى ەكى تاراپ ساۋدا- ساتتىقتى عانا ەمەس، ءوزارا ينۆەستيتسيا مەن كەدەندىك ىنتىماقتاستىق ماسەلەلەرى بويىنشا دا كەلىسسوزدەردىن دامىتپاق ەكەن.
اۆتور: كەنجەكەي توقتامۇرات قىزى
