قازاقستان ءوزىن مۇناي ونىمدەرىمەن قامتاماسىز ەتۋگە ازىرگە دايىن ەمەس - ەنەرگەتيكا مينيسترلىگى
بۇل تۋرالى جۋرناليستەرمەن بولعان باسپا ءسوز ءماسليحاتىندا ق ر ەنەرگەتيكا ءمينيسترى ماعزۇم مىرزاعاليەۆ ءمالىم ەتتى، دەپ حابارلايدى قازاقپارات.
«ديزەلدى وتىنعا كەلەتىن بولساق، بىزدە ىلعي قازاقستان ءوزىن مۇناي ونىمدەرمەن قامتاماسىز ەتە الادى ما؟، دەگەن ماسەلە تۋىندايدى. بۇگىنگى تاڭدا ءبىز ەلدەگى مۇناي ءوندىرۋشى زاۋىتتاردى جاڭعىرتۋ جۇمىستارىن اياقتامايىنشا، وعان دايىن ەمەسپىز. بەنزين بىزدە 1 ميلليون تونناعا جۋىق، الايدا، ءبىز بۇل وتىندى سىرتتان تاسىمالداۋعا ءماجبۇرمىز. ءبىرىنشى كەزەكتە رەسەيدەن ارينە. ال، ديزەلدى وتىن شامامەن 500-600 مىڭ توننا»، - دەدى ماعزۇم مىرزاعالييەۆ.
ونىڭ سوزىنە قاراعاندا، جاز مەزگىلىندە رەسەي مەن قىرعىزستان اراسىندا مۇناي ونىمدەرىنە قاتىستى ۇلكەن ايىرماشىلىق پايدا بولدى. مىرزاعاليەۆتىڭ سوزىنشە، ديزەل وتىنىن مەملەكەتتىك رەتتەۋدەن الىپ تاستاۋ ءماجبۇرلى تۇردە، الايدا، دۇرىس قابىلدانعان شەشىم بولدى. ويتكەنى، زارۋلىك وتە زور بولۋى مۇمكىن ەدى.
«ەلىمىزدىڭ كوپتەگەن ايماقتارىندا ديزەلدى وتىن جەتكىلىكسىز. جاعدايدىڭ وسىلاي بولا تۇرعانىنان قاراماستان، ۇلكەن جەلىلەردە ول تولىعىمەن جەتكىلىكتى. بۇل جەردە ۇلكەن جەلى دەپ ءبىز ق م گ، گەليوس جانە Sinooil سياقتى كومپانيالاردى ايتىپ وتىرمىز. ولار ديزەلدى وتىنمەن قامتاماسىز ەتىلگەن. ويتكەنى، ءبىز ولاردىڭ بارلىعىن جيناپ الىپ، ديزەلدى وتىننىڭ بارلىعىنا بىردەي جەتپەۋى مۇمكىندىگىن ەسكەرتتىك. ونىڭ ۇستىنە ەگىن ورۋ جۇمىستارى قىزعان شاق. سول سەبەپتى ءبىز جەلىدەگىلەردىڭ بارلىعىنا رەسەيدەن وتىن ساتىپ الۋ كەرەكتىگىن ايتتىق. الايدا، ءبىزدىڭ بۇل ەسكەرتپەمىزگە بارلىعى بىردەي نازار اۋدارعان جوق. سونىڭ سالدارىنان جانارماي قۇيۋ ستانسالارىندا ءبىرشاما زارۋلىكتىڭ بولعانى دا راس»، - دەپ ناقتىلادى ۆيتسە- مينيستر.
ونىڭ پىكىرىنشە، قازاقستان قازىر تىعىرىقتان شىعىپ كەلەدى، ەڭ كۇردەلى دەگەن ۋاقىتتار ارتتا قالدى.
