08:47, 06 - قازان 2016 | GMT +5
حيميا سالاسىنداعى نوبەل سىيلىعى تابىستالدى
استانا. قازاقپارات - 2016 -جىلدىڭ حيميا سالاسىنداعى نوبەل سىيلىعى مولەكۋلالىق قوزعالىستى سينتەزدەيتىن جوبا ازىرلەگەن ءۇش عالىمعا بۇيىردى، دەپ جازادى «حابار 24».
ولار: جان- پەر ساۆاج، بەرنارد فەرينگ جانە فرەزەر ستوددارت.
عالىمداردىڭ العاشقىسى ستراسبۋرگ ۋنيۆەرسيتەتى مەن فرانسيانىڭ ۇلتتىق عىلىمي زەرتتەۋ ورتالىعىندا ەڭبەك ەتەدى. ال فرەزەر ستوددارت ا ق ش- تاعى سولتۇستىك- باتىس ۋنيۆەرسيتەتىنىڭ قىزمەتكەرى. ال ءۇشىنشى ونەرتاپقىش بەرنارد فەرينگ نيدەرلاندتاعى گرونينگەن ۋنيۆەرسيتەتىندەگى ورگانيكالىق حيميا سالاسىنىڭ پروفەسسورى.
نوبەل سىيلىعىنا لايىقتىلاردى تاڭدايتىن كوميتەتتەگىلەردىڭ ايتۋىنشا، ءۇش لاۋرەات بۇعان دەيىنگى عالىمداردىڭ ورىندالماي كەلگەن ارمانىن جۇزەگە اسىرعان. ولار كادىمگى اۆتوكولىك جانە وزگە دە مەحانيزمدەردىڭ مولەكۋليارلى نانو ۇلگىسىندەگى بالاماسىن جاسادى. وسىنىڭ كومەگىمەن ەنەرگيانى ساقتايتىن نەمەسە باسقا دا جاڭا قۇرىلعىلار ويلاپ تابۋعا بولادى.
