تەمىرتاۋدا تاۋ بولىپ جاتقان وندىرىستىك قالدىقتان سەمەنت وندىرمەك

قاراعاندى. قازاقپارات - قاراعاندى وبلىسىنىڭ تەمىرتاۋ قالاسىندا دومەن كۇلىنىڭ ۇيىندىلەرىنەن سەمەنت وندىرەتىن زاۋىت سالىنادى.

«كومپانيامىز بىرنەشە جىلدان بەرى وندىرىستىك قالدىقتى وڭدەۋمەن اينالىسىپ كەلەدى. تاياۋ مەرزىمدە شلاكتى قايتا وڭدەۋ ۋاسكەسى ءوندىرىسىن جاڭعىرتۋ جانە ارى قاراي دامىتۋ جوسپارلانۋدا، ال بولاشاقتا دومەن كۇلىنەن سەمەنت وندىرەتىن جاڭا زاۋىت سالۋ كوزدەلىپ وتىر»، - دەدى «الباسترويدور» ج شس ديرەكتورى سەرگەي كيم.

كاسىپكەر جوبانىڭ «100 ناقتى قادام» ۇلت جوسپارىنىڭ مىندەتتەرى مەن ەلىمىزدىڭ «جاسىل ەكونوميكاعا» بەتبۇرىسىنا ساي كەلەتىندىگىن اتاپ ءوتتى.

«جوبا وتە قىمبات، ميلليونداعان دوللار تۇرادى. جاڭا الاڭ مەن جاڭا عيماراتتار سالۋ قاجەت. قازىر «ارسەلورميتتال تەمىرتاۋمەن» تالقىلاۋدامىز. ەگەر بارلىعى بەكىتىلسە 2017 -جىلى جوبالىق- سمەتالىق قۇجاتتاماعا تاپسىرىس بەرەمىز. زاۋىتتى شامامەن ەكى جىلدا تۇرعىزامىز دەگەن ويدامىن»، - دەيدى س. كيم.

كاسىپورىن ەۋروپا قايتا قۇرۋ بانكىنەن قارجىلىق قولداۋ كۇتەدى.

 «الباسترويدور» ج ش س «ارسەلورميتتال تەمىرتاۋ» ا ق- مەن كەلىسىمشارت بوينىشا دومەن سەحىنىڭ كۇلدى قايتا وڭدەيتىن ۋچاسكەسىن اۋسورسينگكە العان بولاتىن. كاسىپورىندا 200 ادام ەڭبەك ەتەدى. كومپانيا وندىرىستىك قالدىقتى قايتا وڭدەۋدى ارتتىرىپ جانە دايىن ءونىمدى وتكىزۋدە جولعا قويدى.