05:17, 06 - قازان 2016 | GMT +5
كەيكى باتىردىڭ ۇرپاقتارى استانا اۋەجايىندا ماسكەۋدەن كەلەتىن ارنايى بورتتى كۇتىپ تۇر
استانا. قازاقپارات - بۇگىن تاڭعا جاقىن استاناعا ماسكەۋدەن كەيكى باتىردىڭ باس سۇيەگى جەتكىزىلەدى. ال استانا اۋەجايىندا كەيكى باتىردىڭ ۇرپاقتارى وسى تاريحي ءساتتى تاعاتسىزدانا كۇتىپ تۇر.
ال، باتىردىڭ ۇرپاقتارىنىڭ ءبىرى وتەش بەكىشيەۆ «قازاقپارات» ح ا ا تىلشىسىنە ءوزىنىڭ تولقىپ تۇرعانىن اتاپ ءوتتى.
«باس سۇيەكتىڭ استاناعا رەسەيدەن ۇشاقپەن جەتكىزىلەتىنىن كەشە تۇستەن كەيىن بىزگە حابارلادى. 6 - قازاندا كەلەتىنىن كۇنى بۇرىن ءبىلىپ وتىردىق. الاڭداپ تۇرمىز. بۇل بارىمىزگە ورتاق قۋانىش»، دەدى كەيكى باتىردىڭ ۇرپاعى وتەش قىلىشباي ۇلى.
ول بۇل تاريحي ساتكە حالىقتىڭ ىقىلاسى ارقىلى قول جەتكىزىلگەنىن جەتكىزدى.
«كەيكى باتىر - حالىقتىڭ باتىرى. باس سۇيەكتىڭ ەلگە جەتكىزىلۋى دە وسى حالىقتىڭ ىقىلاسى»، دەدى ول.
اۆتور: رۋسلان عابباسوۆ
